تعلم اللغة الانجليزية من الصفر: ليه مش بعرف اتكلم انجلش ؟
![](https://freecoursesandbooks.net/wp-content/themes/publisher/images/default-thumb/full.png)
في المقالة دي هنتكلم عن تعلم اللغة الانجليزية من الصفر وليه احنا مش بنعرف نتكلم انجليزي بطلاقة وممكن نكون فاهمين اللي بيتكلم بس مش عارفين نرد.
تعلم اللغة الانجليزية من الصفر
ليه مش بعرف اتكلم انجلش ؟
بص يا سيدي
الموضوع ببساطة يرجع لسببين
الاول: لاننا لما بنيجي نتعلم انجلش بنتعلم كل حاجة لوحدها …..
ايوة يعني فصدك ايه باللي بتقوله ده؟؟!! ……
.هقولك
يعني زي ما اخدنا طوووووول حياتنا ف المدرسة ان تعلم اللغة بيتم علي مراحل اللي هي ( الgrammar لوحده والكلمات لوحدها و الlistening لوحده وغيره)
ف انت لما بتيجي تربط بينهم بتتاخد وقت كببببيييير جدا ف التفكير وهو ده اللي بيخلينا نقف واحنا بنتكلم ونقعد نقطع
طب السبب التاني: هو عملية الترجمة
واحد هييجي يقولي طب مانا عشان اتكلم لازم اترجم عشان الكلام يطلع صح واللي قدامي يفهمني ….
هقوله نص كلامك صح والنص غلط…
ازاي ياعم؟؟ تعالي نشوف
مبدأيا كدة عمرك ف مرة وانت بتتكلم عربي فكرت ف الكلام اللي هتقوله من ناحية القواعد والكلمات اللي بنستخدمها ولا بنتكلم علي طول من غير تفكير…..
طبعا من غير تفكير الكلام بيطلع لوحده مننا
اهو ده المشكلة بقي اننا لما بنيجي نتكلم انجلش بنفضل نترجم من عربي لانجلش ف دماغنا.
وده بيخلي المخ يبذل مجهود مضاعف علي كل جملة بتقولها عشان تخليها جملة سليمة من كل النواحي.
وبالتالي بعد فترة م الكلام بالطريقة دي بتلاقي دماغك فصلت ومش قادر تكمل.
وغالبا الكلام ده بيتم ف دقائق قليلة اوي
طب ايه العمل بقي عشان اتغلب ع الموضوع ده
لازم وانت بتذاكر انجلش تذاكره علي انه جمل كاملة او مواقف بتحصل ف حياتك بقي او جمل من خيالك.
مش هتفرق بس لازم تحفظ المواقف علي انها جمل مش كلمات منفصلة او grammar لوحده او او او …
لا ذاكر مثلا الكلمات ودخل معاها المضارع واعمل جمل او قصة بسيطة من الاتنين .
وابدأ اقرأها كل يوم ع الاقل مرة يوميا وكل يوم بقصة جديدة من كلمات جديدة وازمنة مختلفة
حاجة كمان هتساعدك ف الموضوع ده الا وهي الlistening
اسمع كتييييير اوي ومش حاجات سريعة ولا اغاني عشان فيه ناس بتفتكر ان الاغاني هي اللي بتعلم …اطلاقا اسمع حاجات بسيطة وتقدر تفهمها من غير ترجمة ف دماغك وحاول تقلدها بعد فترة من سماع الفيديو بس مش اقل من يومين بتسمع وتفهم الفيديو بيتكلم عن ايه
وابدأ اسبوع ف التاني تزود سرعة كلام الناس اللي ف الفيديو لحد ما توصل انك بتفهم الكلام اللي بيقولوه ف حياتهم اللي هو عبارة عن مواقف اصلا بكل سهولة وتلقائية وساعتها مش هتحتاج انك تترجم ف دماغك
انت ساعتها هتتكلم انجلش زي العربي بالظبط
لازم تكون مهتم انك تتعلم انجليزي لانه شئ مهم جداً لانها بتمثل لغة العصر.
من فترة مش بعيدة انك تتكلم اللغة الانجليزية كانت ممكن يميزك في المرتب في العمل وفي حاجات كتير بس مكنتش الفرق بين انك بتعرف تكلمه او مابتعرفش كبير اوي زي انهاردة.
انهارده بقي شئ اساسي في اي مكان يتقدم فيه علي شغل انك تكون بتعرف تكلم الانجليزية. ومش في مجال معين ده في كل المجالات.
كمان المقالات الموجودة علي النت بالانجليزية بتمثل 70% في حين اللي باللغة العربية بتمثل 0.5% وده فرق ضخم جداُ. وبكدة من خلال اتقانك للغة دي نقدر توصل لاي معلومة انت محتاجها.
اقرأ ايضاً:
مراحل تعلم اللغه الانجليزيه وما هي الخطوات لإتقانها
افضل نصائح عن كيفية تعلم الانجليزية
تعلم اللغة ألاسبانية للمبتدئين مقدمة من قناة طليق 2020