ازاي تعمل خطة تسويقية كاملة للسوشيال ميديا
في المقالة دي هنتكلم عن ازاي ممكن تعمل خطة تسويقية كاملة او بما يسمي marketing plan للسوشيال ميديا وايه الخطوات الصح اللي هتنجح الخطة دي.
صباح الخير يا عم فاروق، سليم قائلًا
يرد عم فاروق: صباح الورد يا أستاذ سليم
أنا مش ناسيك ع فكرة وعارف إنك لسه عايز تفهم ازاي بسوق عن طريق السوشال ميديا، بس مش عايز اعطلك عن جامعتك وإنت بشهمندس أد الدنيا
سليم: بشهمندس ايه بس ي عم فاروق دنا بعيد في سنة تانية لتاني مرة.. كمل كمل لسه فاضل ع المحاضرة ساعة.
عم فاروق: ٢ شاي يا واد يا وزة هنا،
إنت فاكر لما كنت بقولك إنك لازم تعرف أهدافك ايه
واللي في الأصل بتخدم عميلك؟
سليم: أيوة فاكر
عم فاروق:
أهو إنت بتاخد الاهداف دي بقي اللي حددتها وتستخدم السوشال ميديا في تحقيقها أو جزء منها
بمعنى إنك بتعمل استراتيجي للسوشال ميديا عشان تحقق أهدافك الكبيرة بتاعت البيسبس بتاعك
اااه اماااال إنت فاكرني مش عارف البسبس دنا بسبس مان معتبر يكش بس الكرش ده هو اللي مبوظ هيئتي
المهم عشان معطلكش انت بتستخدم السوشال ميديا كأداة بتعملها استراتيجي معتبرة بتحط فيها الآتي:
خطوات ل خطة تسويقية كاملة للسوشيال ميديا
١. خطة تسويقية كاملة :(الاهداف) Goals:
لازم اضع اهداف للعايز اعمله او اوصله ولازم تكون اهدافي واضحة ومحدده ومفصلة لان ده اللي هيشاعدني اوصل للانا عايزه.
مثلاً أنا عن نفسي عارف أهدافي وهو اني ارضي عميلي واحقق في الموسم مبيعات متقلش عن ربع مليون جنية
٢. (المراجعة) Social Media Audit:
هو اني براجع كل حاجة ع السوشال ميديا.
لازم اراجع علي كل حاجة نزلتها ع الجروب والعروض اللي عملتها في اخر ٣ شهور
وكمان براجع وبراقب شغل المنافسين وبراجع جمهوري واتجاهاته
٣. Objectives:
باخد أهدافي ال كنت محددها قبل كده دي واقسمها لاهداف صغيرة وتكون فترة زمنية قصيرة مش طويلة
واشوف ازاي هطبقها ع السوشال ميديا يعني مثلًا هشتغل ع جروب فيسبوك
ولا انستجرام ولا يوتيوب، طيب وهشوف هحقق الربع مليون دول ازاي وفي وقت اد ايه من خلال السوشال ميديا
٤.الميزانية Budget:
لازم احدد الميزانية بتاعتي يعني لازم اشوف هدفع كام ع السوشال ميديا لو هعمل إعلانات مدفوعة.
ولا لو هعمل عروض بقى وجوايز هدفع كام فيها ومشغل معايا الواد وزة بيرد ع الكومنتات بيهبد مني ٢٠٠٠ جنية إبن الإيه كل شهر
٥. Tactics:
بالك إنت انا برضه مش هدفع ٢٠٠٠ج من جيبي كده وخلاص دنا مخلي الواد وزة عاملي تكتيك إبن لعيبة بيوزع إعلاناته علي كذا مكان وبينزل في مواعيد معينة وكمان مديله فلوس للاعلانات بيعمل إعلانات ع البيدج يكبرهلنا وبيستهدف بقي صح وشغل عالي امااال ايييه
٦. خطة تسويقية كاملة: Content Strategy:
انت بتشوف بقي مين الناس اللي هتكلمها وعايز توصلها والـ Buyer Persona بتاعتك
وأهدافك ايه بقي اللي هنخلي الواد وزة وهو بيكتب محتوى هيعكس اهدافنا دي ويساعدنا نوصل للناس ال احنا عايزن نستهدفهم
وهنكلم الناس بأي لغة وTone يعني هنكلم بالعامي ولاالفصحي ولا بالانجليزي
وهنوزع فين بقي المحتوي ده
والمحتوى ده هيكون ازاي يعني هنصور شكل الشقق وننزلها في فيديو ولا هنكتب بوست عادي بنعرض فيه عروضنا ولا إيه
وشوية حبشتكنات كده بقي إدارية وكده بقي يا بني محاضرتك فاتتك
سليم: انا دماغي لفت يا عم فاروق ما توريني مثال طيب ولا استراتيجي عملتها قبل كده؟
كتب بواسطة | أروى عصام
اقرأ ايضاً:
ماركتينج من الاخر: تايهين ومش عارفين نتعلمه ازاي
5 معلومات لاتعرفها عن علم الفلك والفضاء
كيفية عمل خطة تسويقية واي هي الخطة التسويقية