قواعد تعلم اللغة الانجليزية: ابدأ ولو بساعة
![](https://freecoursesandbooks.net/wp-content/themes/publisher/images/default-thumb/full.png)
في المقالة دي هنتكلم عن قواعد تعلم اللغة الانجليزية وازاي اتقنها وايه المفروض التزم بيه عشان اتعلمها وهيتم تلخي ده في 13 قاعده بس.
قواعد تعلم اللغة الانجليزية: القواعد ال13 عشر لتعلم اللغة الانجليزية
اول 7 قواعد وبعض النقاط المهمة
1 – الابحاث بتقول ان تعلم اللغة الانجليزية بياخد فترة تترواح من 8 شهور لحد سنة تقريبا.
2 – كنتيجة للقاعدة الاولى.
هتذاكر شهر وتبطل مش هتتكلم انجليزى, هتذاكر شهرين بردو مش هينفع،
هتذاكر 3 شهور “فية أمل” ،
(بأختصار خلى عندك قناعة تامة انك محتاج مش أقل من 8 شهور علشان تتكلم بطلاقة).
3 – عارف انت الناس اللى بتروح الجيم لمدة اسبوع وتقولك اية دة ازاى مفيش عضلات” انا من امبارح وانا هنا”.
هي هي نفس الناس اللى هتذاكر انجليزى لمدة 15 يوم وتقولك اية دة بقالى 15 يوم بذاكر ومش بتكلم
” راجع القاعدة الاولى”.
4 – فترة مذاكرتك للأنجليزى يوميا المفروض لا تقل عن 3 ساعات
وفى ايام الامتحانات راجع لمدة نصف ساعة على اللى ذاكرتة قبل كدة
علشان متنساش وبالتالى لما تخلص امتحانات ترجع تكمل رحلتك مع الانجليزى.
5 – الانجليزى لو سهل كانت مصر كلها اتكلمت انجليزى.
6 – هيعدى عليك لحظات أحباط، يأس، تعب.
وهتكلم نفسك وتقول”يارب امتى بقى اتكلم انجليزى زى الناس اللى فى الافلام دى”.
تقبل اللحظات دى على انها التمن اللى بتدفعة علشان تتكلم انجليزى وانها جزء من عملية التعلم ” أوعى تستسلم”.
7 – اول 10 ايام فى تعلم الانجليزى بيكونوا ممتعين جدا.
ال10 ايام اللى بعد كدة بيكونوا عاديين.
ال 10 الايام اللى بعد كدة بيكونوا مملين وهنا بقى انتا بتواجه اصعب تحدى فى حياتك .
” أما انك تعافر أكتر وتشتغل أكتر وتتعب أما انك تستلم ” القرار قرارك”.
باقي النقاط وقواعد تعلم اللغة الانجليزية
8 – الملل جزء لا يتجزء من تعلم اى لغة ؛ نقولها تانى الملل جزء لا يتجزء من عملية تعلم الانجليزى؛ تعامل مع الملل بأسلوبك يعنى جيب شيكولاتة، اتفرج على فيديو تحفيزى وأرجع كمل” الموضوع مش لطيف خالص لما تقول واللة انا حاولت لكن مليت ” انتا اقوى من كدة.
9 – الالتزام , الاستمرار,المواظبة, الصبر ،الاستمرار تانىالكلمات السحرية دى هيا مفتاح نجاحك فى انك تتعلم انجليزى ” هتقع لكن هتقوم وتكمل وتتعلم ، الناس هتتريق على نطقك فى الانجليزى بردو هتكمل وتستمر.
الناس هتتريق على ال “الجرامر “بتاعك بردو مبيهمناش و بردو هتستمر ” عافر صدقنى النتيجة تستاهل تتعب علشانها”.”الاستمرار الاستمرار الاستمرار”
10 – اسهل حاجة انك تبدأ حاجة ، التحدى والعظمة والنجاح انك تكملها وتخلصها للنهاية ، هتذاكر انجليزى يبقى تكمل للنهاية وصدقنى النهاية تستاهل كل لحظة تعب وشقى .
11 – قدامك اختيارين أما انك تتعب لمدة 8 شهور فى تعلم الانجليزى , او انك تتعب طول حياتك علشان متعلمتش انجليزى ” القرار قرارك”.
12 – لما تفكر تاخد كورس انجليزى أسأل كويس اوى اوى على المكان اللى هتتعلم فية
“أسأل اللى درس هناك قبل كدة” وأسأل عن القيمة والمجهود اللى هيتعمل علشانك كطالب
” سيبك من فخامة المكانة” خليك عملى”.
13 – فية مقولة بتقول الوقت بيغير الناس ، طبعا الحقيقة عكس كدة خالص والوقت مش بيغير اى حاجة” ببساطة هتعمل حاجة فى حياتك يبقى هتتغير “مش هتعمل حاجة مفيش حاجة هتتغير”، نفس الكلام فى الانجليزى “هتذاكر انجليزى هتتكلم انجليزى ، مش هتذاكر انجليزى مش هتتكلم انجليزى”.
اقرأ ايضاً:
من اين تبدأ لتعلم الكورسات المجانية ؟
كيف تنجز مهامك؟
تعلم اللغة ألاسبانية للمبتدئين مقدمة من قناة طليق 2020