nick vujicic او نيك فيوتتش: فراشه الحياة
nick vujicic
nick vujicic او نيك فيوتتش هومن أشهر ال Motivational Speakers حول العالم, اللي بيعاني من مرض نادر جدا في العالم كله و هو ال Tetra-amelia syndrome.
برضو ايه مشكلة المتلازمة ديه يعني ؟!
ببساطة الشخص اللي عنده المتلازمة ديه بيكون معندهوش إيدين أو رجلين بجانب بعض التشوهات الأخري في أجزاء من جسمه!
و يعتبر نيك من ضمن 7 فقط حول العالم اللي قدروا يعيشوا بالمتلازمة ديه!
قدم nick vujicic او نيك فيوتتش Ted Talk تعتبر من أشهر ال Talks اللي في العالم و هي بعنوان ” Overcoming Hopelessness “.
Overcoming Hopelessness
نيك بيبدأ الTalk بتاعته و بيقول إنه لف حول العالم و قابل ناس بالآلاف و كان الشئ المشترك اللي شافه بين الناس ديه كلها سواء كانوا رجال أعمال أو عبيد، إنهم في حالة من البحث الدائم عن الأمل!
وإن الإنسان اللي بيفقد للأمل، بيفقد الحب، و الإنسان اللي بيفقد الحب، بيفقد القدرة علي مواجهة مصاعب الحياة.
وفي الحقيقة الأمل هو أكتر شئ كان مفقتده نيك في السنين الأولي من حياته و هو شايف نفسه يوم ورا يوم بيكبر بدون أي أطراف.
فعلمه والديه من صغره إنه لازم يتقبل إنه مولود كدة.
وإنه بين أمرين، يا إما يكون ناقم لحالته و مرضه ده و لفقدانه أطرافه أو يكون شاكر للي متوفر ليه.
وإن حتي و إن لم يكن جسده كامل، و لكن مازال عنده جسد.
فترة طفولته
نيك في صغره كان بيتم مضايقته جدا من زمايله، فكان دايما شايف فترة طفولته كا ذكري صعبة في حياته.
لأنه كان أول طفل من ذوي الاحتياجات الخاصة يتم الموافقة علي دخوله في نظام التعليم العام في أستراليا.
و مع صعوبة التحدي ده جدا عليه لكنه تغلب عليه و قدر يحصل على جائزة الشاب الأسترالي المثالي للعام في عام 1990.
وإن ده بفضل والديه اللي أحبوه وشجعوه و أقنعوه منذ صغره إنه سيظل إنسان جميل مهما كان شكله.
اهمية الكلمات في وجهة نظر nick vujicic
نيك بيقول أيضا، إن الكلمات هي سلاح قوي ذو حدين.
وإن عقولنا يوميا وأغلب الوقت لما بتسمع كلام سلبي بتتملي بالأكاذيب اللي بيزرعها غيرنا جوة عقولنا من خلال الإحباط و اليأس.
و نبدأ نعتقد إن مشاكلنا هي أكبر و أعقد مشاكل في العالم.
و في الحقيقة إن أكبر مشاكلنا هي نفسنا البشرية اللي بتساعد إننا نزرع كل الأفكار السلبية ديه جوانا.
وإننا لو اتعلمنا نتحكم فيها، هنتحكم في ردود أفعالنا لكل الأحداث اللي بتحصل حوالينا و نفكر بإيجابية في حلول ليها.
و إن الكلام الإيجابي من الأشخاص حواليك هو اللي بيزرع السلاح الوحيد اللي ممكن يمتلكه شخص بدون أطراف غير الاحتضان و الإحساس بالاحتواء، وهو الأمل.
و مع ذلك حصل نيك علي نصيبه من اليأس وهو صغير بسبب الكلام السلبي اللي كان بيقال ليه من المجتمع حواليه باستمرار.
وإنه مش هيقدر يعيش أبدا حياة طبيعية أو يكون إنسان كويس و تولد إحساسه الدائم و هو صغير إنه عبء كبير علي أهله، لدرجة إنه فكر في الانتحار و هو عنده 8 سنين و يشيل العبء التقيل ده عنهم !
لكن لما فكر نيك إن ايه الشئ اللي ممكن يحبط و يحزن أب و أم أكتر من إن يكون ليهم طفل معندهوش أطراف ؟!
إن الطفل اللي معندهوش أطراف ده يتملي بالإحباط و ييأس من الحياة !
و ديه الفكرة اللي خلته يبعد الانتحار عن دماغه، و إن يحول الطاقة السلبية ديه لكلمات إيجابية.
يبدأ يوجهها لكل الآباء و الأمهات حول العالم في شكل رسالة إنهم دائما يشجعوا أبنائهم و يملوهم بالثقة و الدعم.
وهو كمان مؤمن إن لو مكنش والديه وفروا ليه الحب و الرعاية و الاهتمام منذ صغره، مكنش هيبقي موجود قدام الناس بيدي ال Talk ديه !
لكل إنسان قيمة
نيك مؤمن إن كل إنسان ليه قيمة.
وإن قيمته ديه لا يتم تحديدها علي أساس شكله أو وظيفته أو منزله أو كمية الفلوس اللي معاه، لإن الفلوس مش بتعالج الأرواح !
و إن ليه ممكن إنسان يبص في المرايا و يقول لنفسه إنه قبيح و شكله وحش، بدل ما يقول لنفسه إنه شخص ذا قيمة!.
وإنك لما تكون مؤمن إنك شخص ذا قيمة وراضي بده من جواك.
ده هيساعدك تتغلب علي كل الآراء السلبية من الناس اللي حواليك.
و بينهي نيك ال Talk بحكاية عن طفلة صغيرة قابلها و هو عنده 24 سنة.
وكانت الطفلة ديه عمرها 19 شهر و عندها نفس مرضه، فا آمن إنه حتي لو مش هتحصل معجزة تغير حياته.
فا ما زال هو ممكن يكون المعجزة اللي محتاجة الطفلة الصغيرة ديه إنها تشوفها عشان تحس إن في أمل في الحياة معبرا عنها في المقولة ديه:
” When you don’t get a miracle, you can still be a miracle for someone else “.
تقبله لمرضه
نيك تقبل إن عنده عجز و ده ساعده إنه يتغلب علي العواقب اللي واجهته في حياته .
واستطاع إنه يمثل و ينتج فيديو غنائي ليه، و قدر يحصل علي أكثر من 30 جائزة.
و قدر إنه يكتب كتابين، و استطاع التعرف علي ملايين من الناس حول العالم و يتكلم معاهم.
وكمان بيستعد لاستقبال طفله الأول و كل ده و هو لم يتعدي حاجز ال 29 عام !
و أنهي نيك ال Talk بتاعته بالمقولة ديه
“Find your peace and you’ll make your wall doors”
بمعني إنك لازم دايما تفضل تدور علي الأمان و السلام الداخلي جواك في حياتك
واللي هيساعدك تكون إنسان راضي دايما عن نفسك و قادر تشوف فرص نجاحك في الدنيا و تستغلها بإيجابية.
و ده لينك للTalk لو حابب تشوفها: من هنا
وده لينك كل ال posts اللي فاتت : من هنا
و ديه لينكات ل Ted Talks تانية بعنوان:
1- The Key To Transforming Yourself: من هنا
2- The Skill Of Self Confidence: من هنا
اقرأ ايضاً:
افضل التطبيقات في مختلف المجالات
افضل كورسات تعلم adobe photoshop مجانا للمبتديين 2020
ارقام اللغة الفرنسية وأبرز الكتب والروايات للتعلم