النصائح العشر للحصول علي الرضا الوظيفي
في المقالة دي هنقدم العشر نصائح الذهبية اللي هتساعدك في الحصول علي الرضا الوظيفي.
الرضا الوظيفي
احيانا بتحس انك مخنوق في شغلك .. صح ؟
مهما كنت بتحب شغلك ، بتحب مديرك ، وبتحب حياتك ، في بعض الأحيان ممكن تحس بالممل والزهق وتكون مش راضي عن شغلك.
عشان كده بدأت كتير من الشركات دلوقتي الاهتمام بحاجه مهمه جدا.
وهي ان الموظف يكون راضي عن وظيفته والمكان اللي بيشتغل فيه.
فـ بدأو بالإستفاده من الكوتشينج عشان يحق ده لحد ما يوصلوا للـ performance المطلوب
ودا اللي بنشتغل عليه في كتير من الجلسات.
النصائح العشر
اول 6 نصائح
- اعمل حاجه بتحبها كل يوم:
أكتر حاجه بتقضي علي التعب وتزود الرضا الوظيفي هو انك تعمل حاجه بتحبها كل يوم.
دور علي الحاجات دي حتي ولو كنت صغيره. - خليك محاط بأشخاص ايجابيين:
مفيش حاجه تخيك تحس بالضيق والملل اسرع من انك تكون مع ناس طاقتهم سلبيه.
خليك قريب من زملاءك اللي بتحس معاهم بـ بيئة إيحابيه وبالتأكيد دا هيساعدك في الرضا الوظيفي - لو بتاكل في الشغل ف حافظ علي الوجباب الخفيفه والصحية:
بلاش تضرب فول كل يوم ف الشغل الأكل الدسم.
اللي بيملي المعده وممكن يتعب القولون من غير ماتاخد بالك بيأثر عن رضاك عن الشغل وبيئة العمل بوجة عام، (حافظ علي نوعية الأكل)
- اعمل حاجه جديده كل يوم دي غير الاولي:
الاولي كانت اعمل حاجه بتحبها .. هنا بقولك اعمل اي حاجه جديده تكسر روتين وملل الشغل المتكرر. - حافظ علي علاقتك الداعمه مع مديرك:
نوع علاقتك مع مديرك هتساعدك علي تحقيق أهدافك.
بالتأكيد هو عنده معلومات وخبرات انت هتحتاجها وهتكون سعيد لما يساعدك ويكون في ضهرك. - خليك قوه للتغير اطلب من مديرك مسؤليات اكتر enrichment:
فكر في عملة نقل وتوسيع معرفتك وخبراتك ، انضم للجنة النشاط activity committee ، خطط ، حفز كل اللي حواليك.
انضم لفريق الكوره ، انضم لأي نشاط تاني او كَون انت اي نشاط (بس بلاش سياسي وحياة أبوك) ، خليك شعلة نشاط لكل اللي حواليك..
قد تعجبك هذه المقالات
اخر 4 نصائح
- احظر التعب :
واصنع رضا وظيفي ايجابي غالبا انت المسؤل عن شعور الممل والتعب اللي بيوصلك.
تقدر تتجاوز الشعور دا بسرعه بمجرد ماتحس به، حافظ انك تكون في بيئة عمل تهدي روحك واعصابك.
خد استراحه سريعه، اعمل قائمه بكل انجازاتك خلال الأسبوع، (قاوم كل شعور مرهق بسلوك إيجابي) - بلاش مماطله:
من اسوأ العادات اللي بتأثر بشكل سلبي علي الرضا الوظيفي هي المماطله مما كان السبب.
ممكن تضيع وقت كتير في الأعذار وإلقاء اللوم والوعود لنفسك لحد ما الوقت يروح منك ، - خذ بريك صغير وقت الشغل لمكافحة الملل:
اقف، اتحرك، امشي شويه، خلي علي مكتبك كتاب بتحبه تقرأ فيه كل ماتحب تكسر الممل.
شارك زميل في أي حاجه تخص الشغل او ساعده ( مش قصدي الرغي اللي بيضيع اليوم ) . - حقق اتنين ع الاقل من أهدافك كل يوم لزيادة الرضا الوظيفي:
الشعور بالإنجاز من اكتر الحاجات اللي بتحفز الانسان، قسَم الأهداف الكبيره الي مهام صغيره تقدر تنجزها في يوم واحد لو عندك مشكله في شغلك وحاسس انك بتفتقد الرضا الوظيفي .. ابعتلي.
#Walid_Rabia – #Career_Coach#Career_Tips#Be_The_Story
اقرأ ايضاً: