” باب الإخراج ” الصف الثاني الثانوي الجزء الثالث

في المقالة دي هنكمل معاكو ” باب الإخراج ” الصف الثاني الثانوي الجزء الثالث وهنكمل بإذن الله مكونات الأدمة.. وهنعرف إيه هو (النسيج تحت الجلد) + أسئلة بنك المعرفة.

* لمَّا حاجة تقع على رجلك بتحس بيها صح؟ ولو مسكت كوباية الشاي سخنة بتسيبها على طول لأن درجة حرارتها عالية ودا بيسببلك ألم..

كل دا عزيزي القارئ بيحصل بفضل وجود (النهايات العصبية الحسية) وهي واحدة من أهم مكونات الأدمة..

إذن فالنهايات العصبية الحسية بتساعدنا على إننا نستجيب للضغط واللمس والألم ودرجة الحرارة…

النهايات العصبية الحسية (الصف الثاني الثانوي)

** هي مادة بروتونية الأدمة تقوم بتصنيعها.. والمادة دي اسمها (الكولاجين أو collagen).. هي بتخلي الجلد لين وقوي..

لو بصيت في إيدك ورجلك عزيزي القارئ هتلاقي خطوط كتيرة.. الخطوط دي بتكونها مادة (الكولاجين).. بصمة صباعك مفيش منها اتنين في العالم كله..

اللي عامل البصمة دي مادة (الكولاجين).. هي كمان مش بس بتكون الخطوط دي..

لأ دي بتخليها خطوط غير انزلاقية علشان تساعدك تمسك الحاجات الملساء وتقدر تمشي على الأرض لو كانت مزحلقة.. (انزلاقية تعمل على انزلاقك: عايزة توقعك يعني).

صديقي العزيز.. نسبة إفراز الأدمة لمادة (الكولاجين) بتتغير بتغير العمر.. يعني لو مسكت إيد شخص سنه تحت الـ ٤٠ مثلًا هتلاقي إن بشرته لينة وقوية>

ودا لأن كمية إفراز الأدمة لـ(الكولاجين) بتكون كتيرة.. بس لو مسكت إيد شخص أكبر من الـ٤٠ هتلاقي إن جلده ضعيف ومش لين (خشن).

* احنا عرفنا عزيزي القارئ في دراستنا للشعرة إن فيه غدة دهنية.. لو بصيت في الرسومات هتلاقي إن الغدة فوق العضلة (قريبة من البشرة)..

بس أحد أهم مصادر بنك المعرفة (York press) بيقول إن الغدة الدهنية عادةً بتتثبت بـ(بصيلة الشعرة) -قريبة من البصيلة أكتر-..

وبيقول إن الغدة دي بتفرز زيت (مادة دهنية) بتمنع جفاف الشعرة ولو الغدة دي أفرزت دهون كتير عزيزي القارئ فدا بيؤدي إلى انسداد بصيلة الشعر؛ ودا بيؤدي إلى ظهور رؤوس بيضاء..

ولمَّا الدهون دي تجف ولونها يصبح داكن بتلاقي إن الرؤوس دي بقى لونها أسود.. ولو البكتيريا أصابت الغدة الدهنية هتلاقي إن بدأ يظهر على الجلد بثرات (فتحات) صغيرة وحب الشباب (Acne).

الطبقة ماصة للصدمات

* لو بصيت تحت الأدمة على طول عزيزي القارئ هتلاقي إن فيه طبقة دهنية بتعمل على ربط الجلد بالجسم بالعضلات وبتعمل كطبقة عزل إضافية للحفاظ على درجة حرارة الجسم.. وبتعمل كـطبقة ماصة للصدمات..

و بيتم فيها تخزين الطاقة والڤيتامينات القابلة للذوبان في الدهون.. طبعًا عزيزي القارئ الجلد بيغطي الجسم كله والطبقة دي موجودة بردو تحت الجلد في الجسم كله بس سمك الطبقة دي بيختلف من منطقة لأخرى في الجسم..

الصراحة عزيزي القارئ (بنك المعرفة) بيقول إن منطة الجفون لا تحتوي على أي دهون بس موقع (دكتور كشكول) بيقول إنه فيها نسبة بسيطة من الدهون بتمنع جفاف العين وبتزيتها علشان يكون سهل تفتحها وسهل تقفلها..

(بنك المعرفة) بيقول إن سُمْك طبقة الدهون في الأرداف والفخدين كبير حيث تحتوي على الكثير من الدهون.

• شوية معلومات:

١- الأصباغ التي ينتجها الجسم تحميك من أشعة الشمس فوق البنفسجية الضارة.
٢- يصنع جلدك فيتامين D من ضوء الشمس.
٣-الطبقة الدهنية الموجودة في الجلد تعرف بـ(الكوليسترول) وهي توجد في أغشية جميع الخلايا الحيوانية.
٤- يوجد الملايين من النهايات العصبية الدقيقة في جلدك وهي تجعل جلدك يعمل كعضو حسِّي.
٥- تساعد الأوعية الدموية الدقيقة الموجودة في الجلد في تنظيم درجة حرارة جسمك.
٦- الماء والأملاح الزائدة ينتجان من تناول الأطعمة المختلفة ويتم طردهما من خلال الجلد عن طريق العرق.
٧- يزود الدم خلايا الأدمة بالمغذيات والأكسجين اللازمين ويزيل الفضلات من هذه الخلايا.

أسئلة بنك المعرفة على الجزء لثالث من ” باب الإخراج ” الصف الثاني الثانوي:

1- من أعضاء الإخراج في الجسم:
أ- الغدد العرقية.
ب- الغدد الدمعية.
ج- فتحة الشرج.
د- (أ و ج) معًا.

2- من أهم الأسباب التي تجعل البول من المواد الإخراجية هي أنه:
أ- يُخزن في المثانة البولية قبل خروجه.
ب- يعبر الأغشية البلازمية.
ج- يحتوي على نسبة من الماء.
د- له جهاز إخراجي خاص به.

3- يعُدَّ ……….. من المواد الإخراجية حيث يعبر أغشية الحويصلات الهوائية:
أ- الأكسجين.
ب- النيتروجين.
ج- ثاني أكسيد الكربون.
د- بخار الماء.

4- تعتبر المواد التالية موادًا إخراجية ما عدا:
أ- العرق.
ب- اليوريا.
ج- دموع الإنسان.
د- حمض البوليك.

5- تخرج المواد المتطايرة عن طريق:
أ- الكليتين.
ب- الجلد.
ج- الكبد.
د- الرئتين.

لينك موقع بنك المعرفه من هنا .

كتبه | اسراء محمد

اقرأ ايضاً:

أحياء الصف الثاني الثانوي” باب الاخراج”

أحياء الصف الثاني الثانوي “باب الإخراج” الجزء الثاني