أحياء الصف الثاني الثانوي ” الكلى في جسم الانسان “

(في المقال ده هنشرح أحياء الصف الثاني الثانوي ” الكلى في جسم الانسان “ هنعرف الكلية وشكلها ومكان وجودها ووظيفتها).

كل حاجة عزيزي طالب الف الثاني الثانوي هنتكلم النهاردة عن الاحياء وخاصة الكلية نقدر نقسمها إلى أجزاء (أعضاء) حتى الجروب اللي أنت فيه لو جينا نقسمه هيبقى مكون
من أعضاء ومسؤولين وصور… إلخ، كذلك الحيوانات الفقارية عزيزي القارئ بتتكون من أجزاء (أعضاء)، واحد
من أهم الأعضاء دي اسمه “الكلية” أو “الكليتين”.
يلا نعرف إيه هي الحيوانات الفقارية وبعدين ندخل على أعضائها.

الحيوانات الفقارية :-

عزيزي القارئ هي فصيلة من الحيوانات تمثل نحو ٤٪ بس من كمية الحيوانات الموجودة على الكوكب وسُميت بـ
“الفقارية”؛ لإنه بيوجد في جسمها عمود فقاري، العمود الفقارى عزيزي القارئ بيساعد الحيوانات الفقارية على إنها
تمشي وتركض وتسبح وتطير.

المهم إن الفصيلة دي متقسمة لـنوعين:-

اولاً: فقاريات راقية:-

مجموعة من الحيوانات ذات عمود فقاري وأكثر حضارة وتقدم من الحيوانات الأخرى.

من أنواع الفقاريات الراقية:-

الثدييات:

ومن أمثلة الثدييات عزيزي القارئ: الخفافيش والحيتان، ومن أهم الثدييات عزيزي القارئ :- “الإنسان” وده لأنه ذا عقل ولأنه يُفكِّر.

ثانياً: هي الفقاريات الدنيا:-

مجموعة من الحيوانات ذات عمود فقاري ومن أنواعها:-
-الطيور (زي الدجاج) والأسماك (زي القرش والحوت) والزواحف (زي التعابين والتماسيح) والبرمائيات (زي الضفادع).

*من أهم أعضاء (أجزاء) جسم الإنسان عزيزي القارئ هي الكليتان، ولون الكلية بني محمر والكلية الواحدة
عزيزي القارئ شكل الفاصولياية كده يعني الجزء الخارجي

من الكلية عزيزي القارئ محدب (مقوس)، والجزء الداخلي مقعر (مُجمَّع ومضغوط وعميق) ويُسْمَّى بـ “سرة
الكلية”.
طول الكلية عزيزي القارئ =١٢سم، وعرضها = ٧سم، وسُمْكَها = ٣سم.

تعليق بسيط

(كتاب الإمتحان بيقول إن شكل الكلية زي حبة اللوبيا، وبنك المعرفة بيقول إنها شكل حبة الفاصوليا فالأفضل لينا كـطلبة إننا نقول إنها شبه الفاصوليا؛ لإن بنك المعرفة هو مصدرنا).

*الكلية عزيزي القارئ موجودة في جوف البطن، وجوف البطن ده بيتكون من أعضاء زي المعدة والكبد والكلية، في بداية جوف البطن فيه “حجاب حاجز”،

الكليتين بقى عزيزي القارئ موجودين تحت الحجاب الحاجز من الجهة الخلفية (على جانبي العمود الفقاري)، الكليتين موجودين خلف غشاء البريتون أو ما يُسْمى بـ “الصِفاق “،

تسألني “إيه هو غشاء البريتون ؟”
=الصِفاق أو البريتون عزيزي القارئ هو غشاء رقيق وشفاف بيتكون من طبقتين، الطبقة الأولى موجودة حول
السطح الداخلي لجدران الحوض، والطبقة التانية موجودة حول الأعضاء الداخلية (الأعضاء الموجودة داخل جوف
البطن ومن أمثلتها الكلية).
الطبقة التانية أهميتها إنها “تحمي الأعضاء وتوصل “الدم والسائل اللمفي والأعصاب إلى هذه الأعضاء” فـالكلية
موجودة خلف البريتون علشان يحميها ويثبتها في مكانها.

*جوف البطن :-

مش متماثل (جوف البطن متقسم لأربعة أجزاء والكبد موجودة في جزئين؛ و ده السبب لعدم تماثل جوف البطن).
*الكلية اليمنى منخفضة أكتر من الكلية اليسرى وأصغر منها، مش بس كده عزيزي القارئ، الكلية اليمنى أقرب إلى
الوسط (بتقرب من نص الجسم) بشكل طفيف مقارنة بالكلية اليسرى؛ و ده بسبب عدم تماثل جوف البطن الناجم عن
موقع الكبد.

الكلية اليمنى عزيزي القارئ موجودة تحت الحجاب الحاجز و”خلف الكبد”، أما الكلية اليسرى
موجودة تحت الحجاب الحاجز برضه لكن “خلف الطحال”.
*لمَّا نبص للكلية هنلاقي فوقيها غدة كظرية وهي غدة صماء مهمتها إفراز هرمونات للجسم.

وظائف الكلى في جسم الانسان :

الوظيفة الأساسية للكلية عزيزي القارئ هي المحافظة على تركيب الدم ثابت و المحافظة على حجمه ثابت.

*الأكل اللي احنا بناكله عزيزي القارئ بيكون عبارة عن: بروتينات- دهون- سكريات… إلخ،

طب جسمنا هيستفيد من الأكل ده ازاي؟
= فيه عملية بتحصل في جسم الإنسان اسمها عملية الأيض، العملية دي بتقوم بهدم وتكسير الأكل (الطعام) والنتائج
اللي الجسم بيبقى محتاجها (نواتج عملية الأيض) بتفضل في الجسم والنتائج غير المهمة والمواد الضارة الناتجة بتبقى
في الدم، يعني الدم بيتكون من خلايا دم بيضاء وحمراء وبلازما وصفائح دموية، مفيش اعتراض على كده.

بعد عملية الأيض عزيزي القارئ تلاقي ثاني اكسيد الكربون في الدم أو أملاح (النتائج تختلف حسب الأكل اللي
بيوصل للجسم) كده عزيزي القارئ حجم الدم زاد وتركيب الدم اختلف (الدم كان بيتكون من كرات دم حمراء
وبيضاء وصفائح وبلازما، بعد عمليه الأيض بقى الدم بيتكون من الحاجات دي: الأملاح و ثاني اكسيد الكربون، هنا
بقى مهمة الكلية تبدأ وهي إنها تتخلص من الزيادة دي؛ لإنها لازم تحافظ على حجم الدم وتركيبته ثابتين.

أهمية الكلى في جسم الانسان :-

أ- الكلية بتتخلص من المواد الذائبة في الدم واللي ممكن تكون سموم (الكلية بتفصل السموم دي عن الدم وبعد كده بتخرجها من الجسم).

ب- تنظم الكلية كمية الماء والأملاح في الجسم.

ج- الكلية تخلص الجسم من المواد الضارة الناتجة عن عمليات التمثيل الغذائي وعمليات التنفس مثل المواد النيتروجينية والكبريتية.

د- الكلية قادرة على تنقية الدم من أي سموم خارجية قد تصل إلى الجسم في شكل عقاقير أو أدوية أو مواد مخدرة.

ك-الكلية عزيزي القارئ بتنظم ضغط الدم وبتكون بعض الهرمونات، من أمثلة الهرمونات: هرمون اسمه “الرنين

“، الهرمون ده عزيزي القارئ لا يُفْرز في أي مكان اخر في الجسم. ممكن الإنسان يتعرض لصدمة عصبية والصدمة دي بتؤدي إلى حدوث انخفاض شديد في ضغط الدم، في اللحظة دي الكليتين بيفرزوا هرمون الرنين بغزارة شديدة في الدم وفي ثواني معدودة إفراز الهرمون ده بيرفع وبشكل ملحوظ من ضغط الدم (اللي كان منخفض) ليعود إلى معدله الطبيعي (الأزمة تزول بشكل مؤقت حتى يُعالَج الشخص عند الطبيب).

ع- وفيه هرمون تاني اسمه “الأيثروبوتين” وده بيشترك في بناء الدم.

وبكدة نكون شرحنا درس الكلية المقرر في منهج أحياء الصف الثاني الثانوي.

اقرا ايضا: نموذج الوزاره في الاحياء+ توزيع درجات الأحياء ٣ ث

كتبه | إسراء محمد