تنظيم واستغلال الوقت لربح الأموال
أهمية تنظيم واستغلال الوقت هو طريقك لربح الأموال وتحقيق احلامك واهدافك لذلك
إحنا بننظم وقتنا عشان نقدر نحقق ثلث أو ربع طموحاتنا والي بنحلم بيه، مش كله أبداً .
أولا: إيه فايدة تنظيم الوقت؟
اننا من غير تنظيم للوقت ومن غير محاولات مستمرة لاستغلاله صح مش هنحقق ولا حاجة أصلاً .
بقول الكلام دا عشان فيه بعض الناس دايماً حاسيين بالتقصير
وانها مقدرتش تحقق كل حاجة ودايماً عندهم نواقص وبتأنب نفسها ويجيلها إحباط وهي مش مستحقة لكل تأنيب الضمير ده
طول ما أنت مش بترمي وقتك في الأرض وبتحاول فانت تمام هتوصل إن شاء الله،
متقارنش نفسك بحد كل واحد ليه مساره .
الناس اللي وقتها مضغوط سواء دروس أو جامعة وكورسات أو بيشتغلوا و يدرسوا .
وتقدر تاخد دورة فى إدارة وتنظيم الوقت وتمالك الضغوطات من هنا.
ثانيا: نصايح مهمة ليكم لإستغلال الوقت:
1- استغلوا الأوقات المهدرة في يومكم .
عشان وقتكم محدود جداً فانتوا محتاجين كل ثانية، مش بقول متعملوش هواياتكم أو حاجة غير المذاكرة بس مترموش وقت في الأرض، مثلا : وقت الصبح اللي بنفضل نبص في الموبايل شوية ونضيع تركيزنا أو بعد ما نيجي من برا ونفضل نقعد شوية متنحين وبعدين نمسك الموبايل ونضيع باقي اليوم كل دا وقت مهدور حاولوا تستغلوه وتعملوا حاجة مفيدة ومش شرط مذاكرة ممكن تستغلوه في حاجة بتحبوها فتشحنوا طاقة تكملوا بيها الأيام الباقية .
وتقدر تعرف ازاى تتطور نفسك فى دقايق من هنا.
2- كل فترة ليها هدف رئيسي وأهداف فرعية .
كل شهر أو كذا شهر بيبقى ليهم هدفهم، لو لاحظت إن فيه شهر مضغوط فيه دراسياً مش غلط انك تستغنى عن باقي خططك أو توقفها بشكل مؤقت من غير ما دا يسببلك ضيق ولا حاجة الدنيا أولويات ممكن تخلي هدفك الرئيسي إنك تمشي كويس في الدراسة وتحافظ على باقي الجوانب لحد ما تقدر تركز فيها تاني .
3- متحسوش بالفشل بسرعة وحاول دايماً .
مهما كنت شاطر في تنظيم وقتك هييجي عليك أوقات تبقي مضغوط فيها ومش ملاحق تنام كفاية حتى، ده مش غلط منك بس ساعات المسئوليات والمهام بتكتر فمتيأسيش وتعامل مع كل الظروف بهدوء .
كمان محدش بيبقا منظم من يوم وليلة بس بالمحاولة هتوصل وتنجح وتقدر تنظم وقتك وحياتك ولما تعمل ده وقتها هتقدر تربح وتكسب فلوس من من اجتهادك وسعيك.
وتقدر تعرف ازاى تحصل على اكبر استفادة فى ساعة واحدة من هنا.
كتبه|محمد عمر