ازاي تعمل الهدف SMART عن طريق SWOT analysis؟
هل الـ SWOT Analysis هو الحل دايمًا؟
كام مرة بتبقى عايز تتعلم مجال، أو تنجز كورس معين ومبتقدرش تعمل ده؟ وكام مرة بدأت في حاجة ومكملتهاش؟ وكام حاجة بدأت فيها ونسيتها أصلًا ولما تسأل حد أنا ليه مش بكمل؟ يقول ركز في إن الهدف بتاعك يكون SMART واعمل SWOT analysis.
أوقات كتير بتبدأ فعلًا في الحاجة اللي عايز تعملها لكن فجأه تحس إنك تايه، كتير أوي تسمع حد يقولك أول ما تدخل العشرينات فأنت لازم تكون مرتب أولوياتك ومحدد هدفك لكن تسأل طب إيه هو الهدف مبتلاقيش إجابة حاجة كدا شبه الكليشية المعروف بتاع إعمل الصح.
إيه هو الهدف؟
في تعريف جميل للهدف بيقول إنه: “هو نهاية عملية لبداية نظرية لتحقيق الغاية المرجوة”
بمعنى إن الهدف دا هو الحاجة اللي بوصلها في نهاية الطريق، وهي الغاية المرجوة اللي أنا عايزها فعلًا، ودا مش هيتحقق من غير بداية نظرية صح عن طريق التخطيط؛ ودا هيحصل عن طريق التخطيط الصح.
لو عايز تعرف أكتر عن الهدف ادخل هنا.
إزاي اخطط صح؟
عشان تخطط صح لازم تجاوب على الأسأله دي:
- إيه هو اللي عايز اوصله؟
- أنا موجود فين من الهدف دا؟
- إيه هي مستوى معلوماتي في الهدف دا؟
- إيه هي الموارد المتاحة ليا عشان احقق الهدف دا؟
- مجموع الأدوار أو الخطوات اللي هتخذها نحو الهدف دا؟
إزاي يكون الهدف بتاعي SMART؟ ويعني إيه هدف SMART؟
الهدف الذكي أو الفعال SMART goal هو اختصار حطه چورچ دوران بيديني معايير توجهني لتحديد الهدف بتاعي بشكل فعال.
عشان الهدف بتاعي يكون SMART فلازم يتوفر فيه 5 نقط مهمين متلخصين في كلمة SMART.
- Specific: إنه يكون محدد مثلا محدد اتعلم مجال معين.
- Measurable: قابل للقياس اقدر في أي وقت اقيسه بشيء واعرف هل أنا مشيت فيه خطوات فعلًا ولا أنا واقف مكاني.
- Achievable: قابل للتحقيق يعني اقدر اعمله فعلا.
- Reality: واقعي محطش هدف وهمي زي اني هخلص كورس 3 ساعات في ساعة
- Time-bound: مقيد بزمن.
زي مثلا إني اقول هذاكر الفرق بين التسويق والبيع في نص ساعة.
أنا كدا هدفي محدد وهو المقالة دي، اقدر اقيسه بأني خلصت المقالة أو لا، قابل للتحقيق لأني اقدر اعمله فعلا وواقعي ومقيد بزمن فعلا لأني حطيت وقت زيادة كمان واقدر اعمل دا بالفعل في وقت اقل.
اي هو الـ SWOT analysis؟
تحليل SWOT هو طريقة اتبعتها الشركات أواخر الخمسينات من القرن العشرين علشان تقدر تحدد اوضاعها الداخلية والخارجية وبالتالي تقدر تعمل خطة فعالة قصيرة الاجل وطويلة الاجل، واختصروا اول حرف كل كلمة واتجمعت في SWOT وهي Strength وبترمز لنقاط القوة، Weaknesses نقاط الضعف، Opportunity ودي الفرص المتاحة، Threats التهديدات.
طب ليه انا محتاج اعمل SWOT analysis؟
أي شركة في الدنيا عشان تستثمر لازم تكون عارفه نقاط قوتها وضعفها، وإيه التهديدات اللي هتواجها! وإيه هي الفرص المتاحة ليها عشان تواجه التهديدات دي.
وبما ان الشركة شخص اعتباري فهي شخص وأنت كمان شخص لازم تكون عارف إيه هي نقاط قوتك عشان تحقق هدفك، وإيه هي نقاط ضعفك اللي ممكن تعوقك، وإيه هي التهديدات اللي هتواجها وإيه الفرص المتاحة ليك عشان تواجه التهديدات دي.
مثال: أنا دلوقتي لو مقدم على وظيفة وهدفي مثلا وظيفة HR هعمل ال SWOT analysis كالآتي:
Strengths المعرفة عن المجال والمهارات اللي تطلبها الوظيفة.
Weaknesses الفجوات بين المعرفة المهارة اللي عندي واللي الوظيفة طلباها.
Opportunity شغل تاني، تدريبات تأهلني للشغل دا او شغل في مكان احسن، كورسات أو منح.
Threats مشاكل مالية متأهلنيش اخد الكورسات اللي تأهلني للوظيفة، كثرة المتقدمين على نفس الوظيفة.
دلوقتي أنت عرفت
- إيه هو الهدف؟
- إزاي تحدد الهدف بتاعك؟
- ازاي تخطط صح؟
- إيه هو الهدف الـ SMART؟
- ازاي يكون الهدف بتاعي SMART؟
- اي هو الـ SWOT analysis وإزاي اعمله؟
لو عايز تعرف أكتر ازاي تحدد أهداف 2021 اقرأ المقاله دي
مصادر
كتبه: مريم محمد