نصائح قبل دخول الجامعة
![](https://freecoursesandbooks.net/wp-content/themes/publisher/images/default-thumb/full.png)
![نصائح قبل دخول الجامعة](https://www.freecoursesandbooks.net/wp-content/uploads/2022/09/png_20220914_205738_0000-1024x1024.jpg)
في البداية أود أن أقول أن فترة الجامعة هى من أسعد الفترات التي ستمر بها في حياتك، لذلك حاول أن تستغلها وأن تستفيد منها مهما كان تخصصك، لذلك قد قمت بكتابة أهم 10 نصائح قبل دخول الجامعة.
- الاشتراك فى الأنشطة الطلابية
- لا تعتمد على دراستك فقط
- تحسين اللغة الإنجليزية
- اتعلم حاجات كتير
- اكتب محاضراتك بنفسك
- ساعد غيرك
- الأصدقاء
- آراء الطلاب السابقين
- اتعلم مهارة لتحسين دخلك
- نصائح أخرى قبل دخول الجامعة
الاشتراك فى الأنشطة الطلابية:
هناك العديد من الأنشطة الطلابية التي يمكنك الاشتراك بها أثناء فترة الجامعة مثل الاتحاد، الأسر الطلابية، الجوالة أو أي نشاط طلابي أخر فالأنشطة الطلابية من أكتر الحاجات اللي هتخليك كطالب تحب الكلية وتكون متواجد فيها بشكل مستمر.
الأنشطة الطلابية هتجعلك شخص اجتماعي وتفاعلي وهتكون قادر على تكوين المزيد من الصداقات.
هتفيدك كمان بعد التخرج وهتزود من قيمة سيرتك الذاتية.
لا تعتمد على دراستك فقط:
الدراسة الأكاديمية مهمة جدا ولكن المهارات اللي المفروض تكتسبها خلال فترة الجامعة لا تقل عنها ف الأهمية بل هى التي سوف تأهلك لسوق العمل.
“لا تجعل الدراسة تلهيك عن التعلم”
قد يتساوى أصحاب الشهادات ولكن الميزة ف Soft Skills
تحسين اللغة الإنجليزية:
بما أنك وصلت للكلية ف أنت أكيد مدرك لأهمية الإنجلش فحاول تستغل ال 4 سنين فى تطوير الإنجلش تعلم الإنجلش من الصفر إلى الإحتراف
اتعلم حاجات كتير:
حاول ف فترة الكلية تتعلم كذا مجال لحد ما تلاقي المجال المناسب ليك، وحاول تحضر كل الايفنتات والمسابقات لأنهم يعتبروا فرصه الكلية بتقدمهالك.
اكتب محاضراتك بنفسك:
- احضر واكتب محاضراتك بنفسك واعتمد على نفسك ومتستناش حاجه من حد عشان متزنقش نفسك.
- خلي معاك كشكول كبير تكتب فيه كل المحاضرات ولما تروح تلخصها بأسلوبك ف كشكول تاني.
- ذاكر أول بأول.
ساعد غيرك:
- حاول على قد ما تقدر تساعد غيرك وافتكر دايماً “وَاَللَّهُ فِي عَوْنِ الْعَبْدِ مَا كَانَ الْعَبْدُ فِي عَوْنِ أَخِيهِ”
- اتطوع وساعد غيرك ف عمل الخير .
كل ما يخص العمل التطوعي والمؤسسات التي يمكنك التطوع فيها
الأصدقاء:
- ابتعد عن الأشخاص المحبطين وقرب من المحفزين والمتفائلين.
- الأصدقاء من الحاجات اللي هتحول فترة الجامعة لفترة لطيفة.
- اتصوروا ووثقوا رحلتكوا الجامعية.
- حاول تصاحب الأشخاص الناجحين لأنك هتكون زيهم.
آراء الطلاب السابقين:
- قبل ما تدخل أي سنه جديده حاول تسأل الطلاب اللي قبل منك عن نظام المواد وتعرف المواد الصعبة عشان تذاكرها وتهتم بيها من الأول.
- تسألهم كمان عن نظام الدكاترة
اتعلم مهارة لتحسين دخلك:
حاول تتعلم ف فترة الجامعة مهارة ترفع بيها مستوى دخلك مثل البرمجة، المونتاج، كتابة المحتوى، الجرافيك أو الماركتينج.
نصائح أخرى قبل دخول الجامعة:
يفضل يكون موجود معاك كحول بشكل مستمر عشان تعقم إيدك قبل أي أكل، كمان يكون معاك مناديل، وزجاجة مياه خاصه بيك.