من مجرد تسليه الي موهبه عظيمه
الابداع ده هتتكلم عنه خديجة بنفسها موهبتها مع الرسم
و بدأت الكلام كالآتي :- خديجة منصور خريجة دار العلوم (لغة عربية) جامعة القاهرة
الرسم كان بالنسبالي اهتمام من الصغر أنا وأخواتي كنا بنتسلى بيه وبدأ يكبر بشكل ملحوظ وأنا في الكلية بدأت مع الشخصيات الكرتونية اللي بحبها ومتعلقة بيها واحدة واحدة و كانت بتطلع مش منظمة والتلوين مش تمام لكن لأني كنت بحب الشخصيات ديه أوي بقيت
أحاول تطلع زيهم بالظبط ومع المحاولات المتكررة إيدي بقت مظبوطة إلى حد كبير مفكرتش آخد كورسات ولا أتابع يوتيوب لأن انا كنت بتسلى بس ومش مجبرة أتعلم الحاجة ديه ولما أهلي وأصحابي عجبتهم خربشاتي شجعوني أعمل بيزنس من المقدرة ديه
مقدرش أقول إنه بيزنس حقيقي لأني بشتغل في مجالي الأصلي ومش عندي وقت لكن طول ما الوقت معايا بشتغل علي الإختيارات اللي بتعجب الناس وبيبقى تكلفتها عالية عليهم فبحاول أخليها فمتناولهم وبالألوان والمقاسات اللي تناسبهم وكل هدفي من كدا إن يكون وجود اللوحة ديه فبيتهم سبب في سعادتهم وإني (مش أبطل أرسم).
أقرا ايضا
نورسين اسامه تانيه ثانوي (نظام حديث ) بدأت الرسم من 3 اعدادي بدأت محاولتي لتقليد صورة
وفعلا رسمتها وبدأت اعرف ان في نوع اسمه فن ماندالا ،
و اتحمست للنوع دا وبدأت ابحث عنه اكتر واتدربت عليه وفي وقت بسيط اتطورت في النوع دا
نوع جديد من الرسم للمناظر الطبيعية
