كيفية كتابة ايميل رسمي بشكل جيد
![](https://freecoursesandbooks.net/wp-content/themes/publisher/images/default-thumb/full.png)
في المقالة دي هنتكلم كتابة ايميل رسمي بشكل فعال وهو يعتبر جزء أساسي من الـ Personal Brand الخاص بيك هو الإيميل.
هتكتب اسمك في الإيميل إيه؟
في كتابة ايميل رسمي لازمنحط لقب Ms. Mr. Eng. Dr. …
ولا نحط الاسم على طولطب الاسم على طول ده هيبقى إزاي،
الاسم إللي بينادوني بيه في البيت ولا الاسم إللي عارفينّي بيه في الشارع؟
ممكن لو اسمي بسمة يبقى الإيميل بتاعي بوسي؟
ولو اسمي رامي يبقى الإيميل بتاعي روميو؟
ما أصحابي بينادوني كده عادي يعني!
طب ممكن أستخدم الإيميل إللي عملت بيه الفيسبوك وأنا في تانية إعدادي إللي هو [email protected] أو [email protected] ؟
كل الحاجات دي متنفعش، مع إنها موجودة على فكرة شفتها بنفسي في CVs ناس بتبعتها للتقديم على شغل!
زي ما بيقولوا الجواب بيبان من عنوانه، أهو الإيميل ده هو عنوانك، والله ترجمته “عنوان البريد الإلكتروني”.
ملاحظات في كتابة ايميل رسمي ويكون بروفيشنال
فـ لازم يكون بروفيشنال. إيه بقى بروفيشنال دي؟!
يعني زي أول نقطة خالص اتكلّمنا فيها في التسويق الشخصي، زي الـ professional name بتاعك، الاسم الأول وبعديه الاسم الرابع أو الأخير أو اسم العيلة.
يعني لو شاب اسمه إبراهيم أشرف عبدالله نبيل هيكون الإيميل بتاعه [email protected] لو الاسم ده مش متاح ممكن يجرّب يحط ( _ ) بدل النقطة، لو بردو مش متاح يبقى ممكن ياخد أول حرف من اسمه وبعديه الاسم الرابع: [email protected].
اقرأ ايضاً: 10 قواعد لتحقيق مهارات التواصل الفعال
تحط رقم جنب الاسم
أحياناً كتير مش هتلاقي الإيميل متاح زي ما أنت عايزه، فـ الناس بتلجأ لإنها تحط رقم جنب الاسم…
أٌحييك، خطة في منتهى الذكاء بس خلي بالك بقى الأرقام إللي هتحطها دي تكون بتعبّر عن إيه…
هل تحط سنة ميلادك؟ ولا رقم السنة دي؟
ولا تحط 011 عشان خطك اتصالات؟
ولا رقم أنت بتحبه زي مثلاً إن رقم 5 بيضحكك حط أي رقم يكون مش بيعبّر عن عمرك عشان نتجنّب الوقوع في أي نوع من العنصرية، أيوه زي ما قرأتها كده، العنصرية.
لو أنت لسه طالب فـ غالباً أنت من أواخر التسعينات، فـ لما تيجي تقدّم في شغل والـ HR يكون حد كبير وأول حاجة يشوفها هي إيميك ومكتوب في آخره 1997…
أحياناً للأسف بيكوّن عنك قرار مُسبق ويقول “اتفرج يا عم على الأطفال إللي عايزين يشتغلوا معانا”، أو العكس لو أنت من أوائل التمانينات مثلاً وبتقدّم على شغل في مكان أغلبه شباب ويلاقيك كاتب آخر الإيميل 1982 يقول احنا هنشغّل معانا عواجيز ولا إيه؟!
![كتابة ايميل رسمي](https://static1.squarespace.com/static/50b88908e4b012760ada1011/50b88a46e4b0e7e1545b4050/531f8077e4b0d6566000d8bc/1394573695899/writing-emails2.png?format=1500w)
طبعاً أنا وأنت وبابا وماما وناهد ضد العنصرية دي.
بس بتحصل وموجودة، أنت نفسك بتتريق على مواليد 2001 عشان داخلين الجامعة، ومواليد 2003 بقى معاهم بطاقة شخصية…
فـ متزعلش من الـ HR ده عشان كلنا العنصرية فينا بس ربنا هادينا.
أنا عارف إنك هتقول ما هو ممكن ياخد نفس القرار بعد ما يعرف عمرك بعد كده بس أنت مش بتبقى كاتب تاريخ ميلادك في الـ CV.
خلي خبرتك تقدّمك ليه قبل مظهرك أو عمرك أو أي حاجة.
هنعرف في كل مثال مع بعض tip أو نصيحة صغيرة هتساعد في تكوين الصورة الذهنية عننا عند الناس وهتساعدنا في مجالنا بشكل كبير جداً إن شاء الله،
تقدر تتابع البوستات إللي فاتت والجاية على هاشتاج #personal_branding_101#رائد_أعمال_على_أد_الحال#Personal_Branding #أبيع_نفسي #التسويق_الشخصي
كتب بواسطة : محمد ابوالعيني
اقرأ ايضاً:
تلخيص كتاب أربعون أحمد الشقيري : خواطر الشقيري في العزلة
كورس اللغة الانجليزية بالجامعة الامريكية مجاناً
ما هو الادمان السلوكي و علاج الادمان السلوكي