Zamerican English .. كيان مصرى لتعلم الانجليزيه من الصفر للاحتراف مجانا !
![](https://freecoursesandbooks.net/wp-content/themes/publisher/images/default-thumb/full.png)
Z american english
ده مدرس مصري اسمه إبراهيم عادل، بيقدم دروس مجانية لتعلم اللغة الإنجليزية على قناة اسمها Z american english
قدر يوصل لمليون مشترك في 9 شهور وده رقم قياسي على مستوى العالم في القنوات التعليمية على اليوتيوب
أنا عارف إنك زهقت من كتر القنوات الكتيرة اللي بتعلم إنجليزي، وإنك بتبدأ بعزيمة وبعدين تسيبها وتدور على قناة تاني
لكن القناة دي مختلفة عن أي قناة قابلتك قبل كده
ركز معايا 5 دقايق بس وبعدها مش هتحتاج حاجة تاني في الإنجليزي بإذن الله
قناة Z american english
مستر إبراهيم عادل عامل القناة مستويات بداية من الصفر، أول مستوى خالص هتلاقيه فيه كورسات للمحادثة وللسماع وللقواعد وللكتابة، مغطيين أهم النقاط في اللغة الإنجليزية، ادخل على أي مستوى فيهم وخد حلقة واحدة في اليوم، مدتها 10 دقايق في المتوسط، ممكن تسمعها في أي وقت.
وممكن تنقل من كورس لكورس ما دمت في نفس المستوى. يعني فرضًا بدأت بالحلقة الأولى في كورس السماع، ممكن بكرة تاخد الحلقة الأولى في كورس المحادثة، وبعده تاخد الحلقة الأولى في كورس الكتابة، وهكذا
طالما كلهم في المستوى الأول
وبعد ما تخلص كل الكورسات اللي في المستوى الأول ممكن تنقل على المستوى التاني بنفس النظام، بحيث متخلصش المستوى الأول إلا وأنت متقن المحادثة والسماع والكتابة والقراءة اللي فيه
أسلوب إبراهيم عادل بسيط جدًا لكنه مباشر وبيخش في المفيد علطول، ومنظم، هتلاقي قوائم التشغيل في القناة عليها كل الكورسات مترتبة من الأول للآخر
ومهما كان مستواك في الإنجليزي وعن تجربة القناة دي هتعرفك حجات مكنتش تعرفها قبل كده
تطبيق Z american english
وفي تطبيق ليها على الأندرويد بنفس الاسم Zamerican English هتلاقي عليه كل الدروس واختبار بعد كل مستوى .
.
في الآخر هتفق معاك اتفاق، ابدأ في القناة دي من النهاردة وأنت قاعد في البيت وبعد 3 شهور من دلوقتي (مش 6 كمان) هستنى منك رسالة تقولي وصلت لإيه، أنا واثق إن كل حاجة هتكون اتغيرت.
.
القناة العربي وصلت للمليون التاني في 5 شهور يعني نص الوقت بتاع المليون الأول، ودلوقتي تخطت 3 مليون مشترك ومجموع مشاهدات فوق 87 مليون مشاهدة، وفي أقل من سنة ونص، والسبب إن مفيش أي قناة أجنبية بتعمل الشغل اللي الراجل ده بيعمله بالطريقة دي وبيقدمه مجانًا لكل الناس.
قناة Z american english لابراهيم عادل
1- ده لينك القناة أول ما تفتحه هتلاقي ترتيب الدروس وإزاي تبدأ معاه: من هنا
وده لينك التطبيق من هنا
2- ودي قناة باللغة الإنجليزية لنفس الشخص بيقدم عليها بالإنجليزي : من هنا
اقرء ايضا
يعني ايه HR وابرز الفوارق بين ال HR والPR وخصائص عمل كل منهم؟
الماتريال الكاملة بكورس mba مجانا pdf ,,ماجيستير ادارة الاعمال
أقسام العلاج الطبيعي تعرف عليها وعلي شروطها ومجالات العمل المتوفرة لخريجيها
كتب بواسطة | هشام أحمد