تعليم انجليزي للمستوى المتوسط

تعلم الانجليزي للمستوى المتوسط

لو أنت بقى مش مبتدئ وفاكر شوية انجليزي من أيام الثانوية هتذاكر من الكتاب ده. من هنا:- من هنا

الأول هتلاقي ملف في اللينك ده أنا كاتبهولك بالعربي شارح لك فيه ازاي تتعامل مع الانجليزي الانجليزي عموماً وإيه الطريقة الصح للمذاكرة هتقرأ الملف كويس قوي.

ما فايده هذا الكتاب ؟
الكتاب ده أنت لو ذاكرته بالطريقة اللي هقولك عليها هتتعلم انجليزي من غير ما تزهق ومن غير ما تمل. (هتلاقي الكتاب وملفات الصوت بتاعته).
الكتاب ده مكون من 30 وحدة و كل وحدة فيها 20 كلمة وقصة.

9 خطوات لتعلم الانجليزي بشكل صحيح

1-هتسمع الكلمات كويس وتكرر مع اللي بينطقهم (5 مرات).

2-هتقرأ معنى كل كلمة والمثال كويس : مثلاً أول كلمة في الوحدة الأولى هي
Afraid: when someone is afraid, they feel fear.
Ex: The woman was afraid of what she saw.
من المعني والمثال أنت عرفت إن معناها “خايف”. بعد ما عرفت المعني لازم تستخدمها في جملة فممكن تقول “أنا بخاف من الكلاب”
I’m afraid from dogs.
غلط يا بيه و غلط يا أكبر هبيد في الكوكب، لماذا استخدمت from ؟ الراجل قايلك فوق afraid of فمعلش تعالي على نفسك وقول زيه.
هتلاقي بعد الكلمات قصة جامع لك فيها ال 20 كلمة عشان تعرف ازاي تستخدمهم في سياق.

3- هتسمع القصة قبل ما تشوفها. “اتعود تتعلم بودنك مش بعنيك” لإن ده السبب اللي بيخليك تتنح لما تسمع حد native و هتسمع وتكتب اللي بتسمعه وفوت كل الكلمات اللي متفهمهاش ولا يهمك.

4- افتح كتابك واسمع تاني وشوف بقى الكلمات اللي ودنك مجبتهاش.

5- إقرأ القصة بالراحة وافهمها كويس (هحطلك قاموس ف الاخر يساعدك).

اقرا ايضا

طريقة استخدام موقع كورسيرا والحصول علي الدعم المالى من كورسيرا 2020

6- هتمسك الكتاب وتحط السماعة في ودنك وتقرأ القصة وتكرر مع الراجل في نفس الوقت (10 مرات).

7- هتقرأ بالراحة وتطلع كل ال Collocations الموجودة. يعني مثلاً لو عاوز تقول لحد “تعال نعمل اتفاق” هتقوله
Let’s do a deal / let’s make a deal.
الإجابة في القصة الاولي السطر التالت. ومتنساش تبص على حروف الجر اللي مغلباك دي بالمرة.

8- هتفتح مسجل الصوت اللي في تلفونك وتسجل لنفسك وأنت بتقرا القصة، وبعدين تسمع نفسك و أنا آسف على اللي هتسمعه بس للاسف ده نطقك الحقيقي و أنا بنصحك بكده لأنك ممكن ما تكونش عارف أن نطقك وحش لأن دايما ودنك محسساك إنك توم كروز لكن لما تسمع نفسك بتنطق انجليزي هتعرف إنك ماحصلتش الزعامة عادل شكل ومحتاج تطور من نطقك و هتسمع نفسك وترجع تسمع الصوت اللي مع الكتاب وتصحح لنفسك وتفضل تسجل لحد ما تنطق زيه بالظبط.

9- (أهم خطوة) هتقفل الكتاب وتبص للسقف وتقول القصة بطريقتك. اغلط وعك عادي المهم هنا تطلع جمل و أنت بتتدرب لسه فطبيعي تغلط.
طب هو أنا لازم أعمل ال 9 حاجات دول؟
للأسف أيوة لأن دي الطريقة الوحيدة اللي بيها تقدر تغطي جوانب اللغة.

• اتعلمت كلمات جديدة (رقم 1 – 2 )
• مهارة السمع ( رقم 3 – 4 )
• ضبط مهارة القراءة والقواعد ( رقم 5 )
• نطقك ( رقم 6 – 8 )
• القواعد ( رقم 7 )
• اتكلمت وحليت مشكلة ال speaking ( رقم 9 ).
  
  كل يوم هتذاكر وحدة وأول ما تخلص الكتاب هتخش على قناة EngVid وكل يوم هتذاكر فيديو. هتسمع الفيديو وتكتب المعلومة وبعدين تلخصها بطريقتك.

بواسطة | سعيد خليفة

أقرا ايضا

في هذه المقالة سنتحدث عن افضل كورس تعليم اللغة الانجليزية حيث تعتبر اللغة الانجليزية هي لغة العصر الحالى فالمتحدثين بها هم عدد كبير حول العالم وأصبح تعلمها وإتقانها شيئ ضروري وأساسي ولا يمكن الاستغناء عنه لكل من أراد أن يعمل في وظيفة الأحلام فيمكن ان تتأكد من ذلك من خلال سؤالك لأصحاب الحرف البسيطة و ستجدهم يقولون لك أن إتقان اللغة الإنجليزية وتعلم مهارات الكمبيوتر أصبح من أهم الأهداف لديهم عند قبولهم للموظفين.

فدائماً ما نري الجميع يسعى من اجل تعليم أبنائه اللغة الانجليزية ويدفعون الأموال الطائلة من أجل تحقيق هذا الحلم البسيط ولكن ما زال هناك يحدث الكثير من الناس لا يمكنهم تحدث الإنجليزية بطلاق لذا سنتكلم عن كيفية اتقانها والتحدث بها بشكل جيد من خلال كورس الجامعة الامريكية. 

افضل كورس تعليم اللغة الانجليزية و كيفية التقدم في مستواك اللغوي