كيفية ممارسة اللغة من المنزل
تعلم الانجليزية عن طريق الممارسه و هتمارس انت لوحدك بشكل فعال عشان توصل لمستوي عالي في الانجليزي تقدر تتكلم بطلاقه
كل يوم هتفتح جوجل وتكتب أي موضوع أنت حابب تقرأ عنه (زي social media مثلا) هيطلعلك مقالات كتير. هتختار مقال كويس تقرؤه.
- هتقرأ المقال أول مرة من غير ما تقف على أي كلمة.
- هتقرأ تاني وتطلع الكلمات الصعبة وتبحث عن معناها ف القاموس ده:- من هنا
- هتروح جوجل تاني وتكتب Esl questions وتختار أول موقع يظهر لك.
- ادخل على الموقع واكتب في البحث social media هيظهرلك أسئلة كتير.
- افتح مسجل الصوت وابدأ جاوب على الأسئلة بصوت عالي.
- لما تخلص اسمع نفسك وصحح أخطائك.
أنت بالطريقة دي اتعلمت كلمات جديدة وكمان اتكلمت وصححت لنفسك. يارب نبطل حجج ونبدأ.
لو لسه بتقرأ ومزهقتش مني فعاوز أقولك : مفيش حاجة في الدنيا سهلة وبتيجي من غير تعب. - كل يوم الصبح حط لنفسك هدف تخلصه وتكتبه على ورقة مثلا.
(وحده من الكتاب + فيديو من EngVid + مقال أقرأه واتكلم عنه) - شوف حد من صحابك يساعدك ويشجعك وتذاكرو سوا كل يوم.
- هتزهق وتحس بملل وده طبيعي جدا ولا هو الملل ده وحش والملل من الفيس والواتس والقاعدة مع صحابك اللي ملهاش لازمه حلو.
- بطل تجمع ماتريل ولينكات وابدأ باللي معاك.
- ورقة وقلم واكتب أنت ناقصك إيه واشتغل عليه مع الإنجليزي، اقرأ كتير عن مجالك واتعلم حاجات جديدة زي الفوتوشوب أو التسوي… إلخ.
- اسمع فيديوهات عن مهارات سوق العمل.
مش مهم هتعمل إيه المهم تبدأ بالله عليك - ومتنساش إن كده كده الوقت هيعدي والأجازة هتخلص. بس أنت عاوزها لما تخلص تنزل بوست وتقول
“انا عملت وعملت وعملت وعملت ولا تقول ياريتني كنت عملت حاجه”.
بواسطة | سعيد خليفة
قد تعجبك هذه المقالات
تعلم الانجليزية محتاج منك مجهود فربما يوفقك يا بطل
أقرا ايضا
تعلم الانجليزي للمستوى المتوسط
كورس انجليزي كامل مجانًا سوف تتعرف على كيفية التعامل باللغة الإنجليزية في معظم المواقف والمحادثات وكيف تطور جميع مهاراتك في اللغة الإنجليزية من خلال تحسين قدرات المحادثة والإستماع والقراءة والكتابة للمبتدئين.