شطب شقتك بنفسك

1- الفيشه اللي بتكون جمب السرير دي ليها معزه خاصه عند كل واحد فينا، طيب تخيل معايا كدا إن مفيش فيشه جمب السرير هتلاقي نفسك تلقائي بتشتم في الكهربائي اللي وزع الكهرباء في الشقه.

2- مين فينا معندوش شباك او باب بيزيق كل مايجي يقفله او ممكن يكون مبيقفلش اصلا.

3- مين معندوش شروخ واضحه في الحيطه بسبب ان المباني او بياض المحاره متعملتش كويس ؟
لو فضلنا نعد العيوب بتاعت التشطيبات من هنا لبكره مش هنخلص .

عشان كدا هنتكلم في السلسه دي عن جميع بنود التشطيبات زي شطب شقتك بنفسك :

– اعمال المباني.
– اعمال بياض المحاره.
– الاعمال الجبسية.
– اعمال الدهانات الداخلية.
– اعمال الدهانات الخارجية.
– عزل الحراره والرطوبه والصوت
– اعمال السباكه (تغذيه وصرف)
– السيراميك والبورسلين.
– الرخام والجرانيت.
– الحجر الطبيعي.
– الرخام الصناعي (كوريان).
– الارضيات الفينيل والايبوكسية والخشب (الباركيه)
– ارضيات HDF.
– اعمال الكهرباء.
– نجارة الابواب والشبابيك.
– دهانات الاخشاب.
– الالوميتال وال PVC.
– الكيرتن Wall.
– الحدادة المعمارية.
– ال CNC.
– ال gypsum board.
– الكرانيش الفيوتك.
– الطوب الزجاجي.
– القرميد.
– البردوره والارصفة والانترلوك.

كل بند هنتكلم عنه بالتفصيل ( إزاي استلم البند – إزاي الصنايعي ميضحكش عليا – إيه الأوفر بين الخامات الموجوده في السوق
أسعار الخامات والمصنعيات في السوق دلوقتي في حدود اد ايه … الخ )

هنتكلم عن الترتيب الصح للبنود، ولو انا مستعجل وعايز اشتغل كذا بند في نفس الوقت
ايه البنود اللي ممكن اشتغلها مع بعض.

هنتكلم كمان في بعض الحاجات المتعلقه بالديكور زي تنسيق الالوان وازاي اظبط الوان الدهانات مع الاثاث