مهارات التفاوض والإقناع: كل ما تريد ان تعرفه عنها وإتقانها

في المقالة دي هنتكلم عن مهارات التفاوض والإقناع وهندي مثال ان ازاي اقدر اقنعك تشتري موبيلي وانت معاك Iphone 8 plus.

مهارات التفاوض والإقناع

عمرك دخلت طرف فى عملية تفاوض؟!

اه طرف فى تفاوض سواء انت اللى بتطرح الحاجه اللى بيتم التفاوض عليها او انت اللى بيتطرح عليك الحاجه دى ..
عمرك دخلت ؟!

لو اجابتك (ايوه حصل) ..
ف انت عارف كويس مفهوم التفاوض ايه .
. وانا بقول مفهوم لان ان التفاوض ده علم يدرس مش مجرد هوب انا معايا كذا كذا تشترى ولا لا (فظيعة فى التفاوض).
مش ضرورى تكون دخلت تفاوض قبل كده او مدخلتش تعال على طول نبدأ مع بعض من ال Zero

مفهوم التفاوض

التفاوض ببساطه شديده :محاوله بين طرفين او اكتر للوصول لاتفاق ده المفهوم العلمى ..
لكن المفهوم البسيط له بقا عشان مش بنحب العلم والكلام الكبير ده

المفهوم البسيط: انا بقدم خطوه والطرف التانى بيقدم خطوه عشان نوصل لحل وسط يرضينى انا و هو ..
اشطا كده ؟!
عشان يتحقق التفاوض ده ويبقا اسمه تفاوض فعلا لازم له 3 اعمده اساسيه

الثلاث اعمدة الاساسية لمهارة التفاوض

1. مدى التفاوض بتاعى

انك تكون حاطط مدى للتفاوض بتاعك على الحاجه اللى بتقدمها
يعنى مثال انا رايح ابيع سلعه لشخص ما ..
مش هروح و اقوله ان السلعه ب 15 و هى خلاص كده ب 15 ومستحيل اتنازل على 15 ..
لان ببساطه هو عارف سعرها لكن هو طالبك عشان تتفاوضوا توصلوا لحل وسط ف انت هنا محتاج مدى لها ..
يبقا مثلا من 13 ل 16 ده المدى اللى هامشى عليه اقل من كده مش مقبول و اعلى من كده مرحب بيه ..

2. ارضيه مشتركه بينى وبين الطرف التانى

مهم جدا للطرفين يكون موجود ارضيه مشتركه بينهم
يعنى مثال ممكن تكون انت والطرف التانى مختلفين فى السعر او فى طريقة التسليم مثلا ..
لكن فيه بينكم ارضيه مشتركه زى مثلا انكم طريقتكم فى التحاور محترمه ف مرحبين بالتفاوض
حتي لو اخد وقت طويل بسبب اسلوبكم اللى قريب من بعض
ف فيه ارضيه مشتركه هنا و التفاوض لسه شغال ومفيش اى مشكله

3. ان الحاجه اللى بتفاوض عليها تكون مش منتشره

الحاجه التالته والمهم بقا جدا : ان الحاجه اللى انت وهو بتتفاوضوا عليها متكونش منتشره ..
يعنى ايه منتشره؟!يعنى موجوده فى كل مكان وكل حته تروحها تلاقيها ..
ف انت كده فى الوقت ده مش بتعمل تفاوض لان التفاوض بيكون على حاجات مش موجوده كتير عشان تحاول توصلها لاتفاق
عشان كده مفيش تفاوض على حاجه منتشره
طيب مثال على تفاوض منتشر وغير منتشر:لو جيت دلوقتى قولت لك تعال عايز ابيع لك المايه اللى موجوده عندى فى التلاجه ..
هتستغرب صح ؟!
ايه ده انا هستفاد بيها ايه ..
عشان انت كمان فى التلاجه عندك فيه مايه لكن لو جيت لك فى الصحراء وقولت لك تعال هبيع لك ازازتين المايه الوحيدتين اللى فاضلين معانا دول
هتقولى اه يااااريت عشان الحاجه هنا مش موجوده ب انتشار ولا بكثرة يبقا انت كده عندك تلات اسس لازم تبقا عارفه وانت بتعمل تفاوض كويس اوى زى اسمك

طيب حلو اوى خلصنا الجزء النظرى ده .. فاضل ايه تانى كده ؟!
  فاضل اهم جزء بقا وهو التطبيق العملى
ازاى احضر وابقا متفاوض شاطر اوى اوى واجهز ايه وانا رايح اتفاوض

التطبيق علي مهارات التفاوض والإقناع

■ لازم اكون عارف كويس هدفى من التفاوض ده ايه
واكون محدده ك تارجت ليا فى نهاية التفاوض لازم اوصل له + اكون عارف ومحدد كويس الهدف بتاع الطرف التانى ايه
وهو ده اللى بيخلينا نصنع (الارضيه المشتركه) شوفت ازاى كله بيوصل لبعضه ..

■ تانى حاجه لازم قبل اى تفاوض يكون عندى Plan B ..
خطة بديله عشان لو التفاوض ده منجحش ايه البديل اللى ممكن اعمله + كمان لازم تفكر فى الخطة B للطرف التانى
(كل ما كان عندى خطة بديله قوية .. كل ما ده ادانى ثقه اكتر فى التفاوض انى لا قدر الله لو منجحش ده معاه ف انا عندى حل تانى ان شاء الله هينجح)
بس برضه مننساش نقوى ال Plan A بتاعتنا كويس اوى

■ ال simulation : يعنى المحاكاه ..
انى اتخيل المقابله من قبل ما تحصل ..
امسك ورقة وقلم واكتب كل نقطه عايز اتكلم فيها وابدأ احط ابعادها بالنسبه ليا ..
وكمان اتخيل ابعاد الطرف التانى بالنسبه لها ايه ..
واعمل زى تمثيل مع زمايلى او مع اى حد من صحابى وانا بعمل ال Simulation دى بحيث انى اوصل لمستوى كويس جدا فيها عشان اكون مستعد للواقع ..
المحاكاه دى هتخليك تطلع حاجات كتير كانت اخطاء فيك وتحسنها كتيررر اوى (حضر كويس اوى اوى عشان هتاخد ثقه من التحضير ده مكنتش تتخيلها)

■ كل نقطة حطيتها فى ال List بتاعتك دى لازم تكون حاطط لها حاجتين Best & Worth
*ال best ده افضل اتفاق ممكن اوصل له .. اعلى من كده مرحب بيهال worth ده اقل اتفاق ممكن ارضى بيه .. اقل من كده هرفضه

■ قاعدة ال Win to Win :
زى ما انت هتستفيد .. انا هستفيد ..
زى ما انت هتكسب انا هكسب .. زى ما انت عايز انا عايز ..
الطرفين لازم يخرجوا من التفاوض راضين وسعداء

لتكملة الجزء الثاني من المقالة اضغط هنا

اقرأ ايضاً:

مما يتكون العقل البشري؟ وها تعرف بما يسمي مخ السحلية
علم البرمجة اللغوية العصبية: ما هو هذا العلم وكيف نطبقه
تعلم اللغة ألاسبانية للمبتدئين مقدمة من قناة طليق 2020