مهارات الاقناع والتفاوض: ازاي اتقن الفن والمهارة دي

في المقالة دي هنكمل كلام عن مهارات الاقناع والتفاوض وازاي اقنعك بال عايز اقنعك بيه. فيه دراسه مهمه عن فهم الانواع المختلفه من الناس عشان تعرف تقنعهم بالحاجه اللى عايز تبيعها او عايز تتفاوض معاه بيها ..
لان مش كل صوابعك زى بعض..

وهنكمل في مثال ازاي تقنعنى اشترى موبايلك وانا معايا IPhone 8 Plus فى جيبى!!

مهارات الاقناع والتفاوض (Negotiation and Persuasion)

انت لسه لحد دلوقتى مش عارف تقنعنى بالموبايل بتاعك..
بس تعرف ولا انا هقتنع اصلا الا لما اساليب التفاوض او الاقناع اللى هما تلات اساليب اساسيه يتطبق منهم حاجه وكمان اسرار الاقناع يتطبق اغلبها

نيجى بقا ل اساليب الاقناع فيه تلات اساليب اساسين

• Win win : انت تكسب وانا اكسب
• Win loss : واحد يكسب والتانى يخسر
• Loss loss : الاتنين ميستفادوش حاجه

وكل اسلوب منهم فيه عايد على طرف او طرفين او عدم عائد على اى طرف خالص ..

● هو التفاوض ممكن يفشل ؟!
اه طبعا التفاوض ممكن يفشل اذا مقدرتش انك توصل للارضيه المشتركه بينك وبين اللى بتتفاوض معاه
ولا قدرت تحسسه انك متمسك بالمعامله ..
تيجى احكيلك قصه صغيره عن الاساليب التلاته بتاعة التفاوض اللى فوق دى

قصة وعبرة في مهارات الاقناع والتفاوض

فى قديم الزمان من حوالى 5 او 6 سنين وهميه كده كان اخين بيتخانقوا مع بعض على (برتقانه) ..
كل واحد منهم عايز ياخدها هى عشان مفيش غيرها فى البيت ف امهم سمعتهم وهما بيتخانقوا ..
ف راحت لهم وقالت لهم ايه المشكله اللى بينكم ..

فقالو لها ان كل واحد منهم عايز البرتقانه دى عشان يستفاد بيها استفاده شخصيه مختلفه ..
ف الام كان عندها حل من تلاته
1-انها تضرب الاتنين وتقولهم يلا انت وهو على اوضتك ومفيش برتقانه وبتتخانقوا على حاجه تافهة (loss loss)

2- انها تدى البرتقانه للاصغر سننا فيهم عشان متكسرش بخاطره (win loss)

3. انها تقطع البرتقانه نصين وتدى كل واحد منهم نص ويبقا الكل مستفيد ويخرجوا مبسوطين من الحوار ده (win win )

طبعا انت فاكر انى ادام قولت لك 3 حلول ان خلاص كده افضل حل هو win win ..
لا ده مش صحيح ..
افضل حل بقا هو اللى الام الذكيه ممكن تعمله وهو الاتى ده :

فيه ام ذكيه هتقول هو انا ليه معرفش هما عايزين يعملوا ايه كل واحد منهم بالبرتقانه ..
ف سالت كل واحد منهم انت عايز تعمل ايه بيها ؟!
ف رد الاول قالها عايز اعمل عصير واشربه و رد التانى وقال عايز اعمل كيكه واكلها ..

هنا الام وصلت للRoot فى الموضوع واتاكدت انها خلاص عرفت هتعمل ايه مسكت البرتقانه
وقشرتها و خرجت القشر فى طبق والبرتقانه فى طبق و اللى عايز يعمل العصير اخد البرتقانه
واللى عايز يعمل الكيكه اخد القشر .. 》

وهنا كان اكبر استفاده واكبر تحصيل لهم هما الاتنين وبكده تكون نجحت فى تنفيذ مبدأ اساسى جديد فى عملية التفاوض والاقناع وهو Think out of the box

(ملحوظه: قشر البرتقان بيستخدم فى عمل البودر اللى بيستخدم لعمل الكيكه بعد طحنه وتجفيفه كويس)

اختبار 16 personality

● طيب هو كل الناس تنفع معاهم نفس المعامله ؟!
يعنى انا هستخدم اسلوب واحد مع كل الناس فى الاقناع والتفاوض ؟!
اكيد لا طبعا عشان الناس انماط مختلفه  ..
حد فينا سمع عن اختبار 16 personality .
. اختبار ال16 شخصيه او 16 نمط او اختبار ال MBTI ؟!

طيب سوا سمعت او لا هل فكرت تقرأ عن الشخصيات اللى فيه وطريقة التعامل معاهم ؟!
لسه مقراتش فيهم؟!  .. ليه طيب ؟!
طيب انا مش هحط لك اللينك بتاعه ولا هقولك اى حاجه .. غير بس هكتب لك MBTI test
عايزك انت اللى تجيبه وتقرأ فى الانماط اللى فيه كويس اوى اوى ..

التفاوض والاقناع علم وااااسع وممتع وشيق بصوره غير عاديه بالاخص لما بتوصل لنهايه الديل بتاعك وتكون مرتاح وانت مخلصه بصوره كويسه ..

للجزء الاول من مهارات التفاوض والاقناع اضغط هنا

اقرا ايضاً:

مما يتكون العقل البشري؟ وها تعرف بما يسمي مخ السحلية
علم البرمجة اللغوية العصبية: ما هو هذا العلم وكيف نطبقه
تعلم اللغة ألاسبانية للمبتدئين مقدمة من قناة طليق 2020