مهارات المذاكرة الفعالة مع يارا مجدي

في المقالة دي هنتكلم عن مهارات المذاكرة الفعالة وازاي نقدر نذاكر في وقت قصير ونقدر نحتفظ بالمعلومة لفترة كبيرة.

خدع المخ

لازم نبقى عارفين انها نشاط زى أى نشاط بس تقيله علينا حبتين وعشان هى كده فأول ما يقرب وقتها يبدأ المخ ينشط مناطق الارهاق والتعب ويشغلك عنها بحاجه تانيه أنت بتحبها اكتر ..

لكن لو بدأت هتلاقى الشعور ده بيروح لوحده بعد شويه صغيرين أصل الدماغ فى جزء شرير كده أسمه “اميجدلا ” مسؤلة عن أنها تحفظ حياة حضرتك من أى خطر وتبعد عنك أى حاجه ممكن تعرضلك ليه هى حاسه بيك وعارفة إن المذاكره كده

_ طيب عرفنا خدعة المخ وبدأنا يالا بينا بقى
شوية الاقلام الفسفورى الجميله ..دستة الفلوسكاب اللوكس والكتاب ونقرأ ونخطط ونكتب بقى !!
لا حضرتك كفاية الوان مش فرح هو
التخطيط بالاقلام ديه بيديك شعور إن الكلام كده بتدخله فى دماغك وتحفظه وده مش صح أنت بس مجرد بتخطط مش أنت صاحب الكتاب وكاتبه عشان تكون حافظه وعارفه … ديه تانى خدعه

قبل ما نذاكر لازم نحط جدول للمذاكرة ونلتزم به بأكبر شكل ممكن, لازم نحط في اعتبارنا المواد الصعبة وبتاخد منا وقت كبير في الاستيعاب والمذاكرة بنبدأ بيها. اما المواد السهلة ومش بتأخد وقت منا في الاستيعاب والمذاكره بنسبها اخر حاجه.

ولازم طول فترة لمذاكرة نقفل الموبيل ونبعد عنه عشان هو غالباً السبب الرئيسي في عدم تركزنا في المذاكرة.

مهارات المذاكرة الفعالة 

• نبدأ نقرأ قراءه سريعه بحيث ناخد فكره عامه ونفهم ونعرف بنقرأ أيه والخط الملون يكون على أهم كلمه فى الصفحه و سهم من السطر المهم ع الهامش فيه ملخص الصفحه وشكرا

_ بعد ما عرفت الماده اللى عايز تذاكرها بتتكلم عن ايه هتقرأ تانى بتركيز وتغمض عنيك وتبدأ تسمع اللى قرأته التكرار على فترات متباعده اكتر حاجه بتثبت المعلومات ….
أيه ده بجد !!
ما هو الطلبه اللى اتعمل عليهم البحث كانوا مندهشين كده برضك !

_ يبقى نركز ونكرر ونسمع ..
نيجى للتركيز بقى قالك أن أى حد فى الدنيا يقدر يركز focused attention 25 دقيقه “نظبطها على تايمر الفون” وبعدين ناخد بريك 5 دقايق الخمس دقايق دول بيسموهم ال diffuse attention التفكير المشتت اللى هو مرحبا فى الهيمالايا مش بتعمل حاجه مريح جدا تشرب عصير تاكل شوكلاه براحتك ده بيساعد انت
اللى قرأته خلال التركيز يتظبط وياخد وضعه فى دماغك

_ طبعا لازم نطبق بقى قبل اى ماده معروفه يعنى وأحنا ناييمين خلايا الدماغ بتنكمش وبتسمح للمواد السامه الناتجه عن عمليات الايض “العمليه اللى بيحصل فيها كل حاجه من ساعة ما الأكل بيدخل الفم لغاية ما بيخرج ” بالخروج .. ” النوم بيغسل دماغك من أى سموم” يعنى تدخل الامتحان بنص المنهج ونايم أحسن من المنهج كله وأنت مش نايم !

_ بعد كده لازم نراجع المراجعه مهمة جداً.
لازم بعد ما نخلص مذاكرة نراجع كل النقاط ال احنا ذاكرنها وكمان كل فتة لازم نراجع علي كل حاجه في المادة. المراجعه دايماً بتخلينا نحافظ علي كل المعلومات الذاكرنها وتساعدنا نفتكرها بأسرع وقت ممكن لما نحتاجها.

_عملية الادراك عموما بيبقى داخل فيها هورمونات واجهزه وشويه حاجات عن الذاكره ممكن نتناولها مره تانيه عشان منطولش اكتر من كده
خلاصة القول …

ناخد فكره عامه ..نقرأ ..نركز ..نفهم ..نقرأ تانى ..نكرر ..نسمّع ..نتدرب ..نراجع.. ننجح 

اقرأ ايضاً:

قواعد تعلم اللغة الانجليزية: ابدأ ولو بساعة
ملخص كتاب سبع سنبلات للكاتب محمد إبراهيم
تعلم اللغة الألمانية للمبتدئين من الصفر الى الاحتراف مقدمة من قناة طليق 2020