حقائق عن النفس البشرية: ما لا تعرفه عن النفس البشرية
حقائق عن النفس البشرية:
في المقالة دي هنتكلم عن حقائق عن النفس البشرية والحقيقه إني كنت متحمسه جدا و أنا بحضر لفقرة الإسبوع ده و ده لأنها مختلفه من حيث الهدف.
هدفي النهارده إننا نناقش شوية معلومات بطريقه مبسطه و كمان نفرق بين بعض المصطلحات الدارجه اللي بنقولها تقريبا بشكل مستمر و من غير وعي.
” الإضطرابات النفسيه و العقليه “
إمتا أقول علي حد إنه مضطرب..؟
إيه الفرق بين الإضطراب و المرض..!
إيه الفرق بين المرض العقلي و المرض النفسي..؟
كام مره قولنا علي شخص معين إنه مجنون أو مريض نفسيا أو متخلف عقليا أو حتي عبيط و أهبل و كان كلامنا ده علي سبيل التريقه أو السخريه أو كتعبير مننا إن الشخص ده مش مريح نفسيا..؟
مبدأيا كده عشان الدكتور أو الأخصائي النفسي يقدر يقول علي شخص ما إنه مضطرب نفسيا لازم يرجع الأول ل ( DSM )و ده إختصار ” للدليل التشخيصي و الإحصائي للإضطرابات النفسيه و العقليه “.
كمان لازم نوضح إن مفهوم الإضطراب ده مفهوم حديث نسبيا بدليل إنهم زمان كانوا بيطلقوا علي الأمراض النفسيه لقب << العصاب Neurosis >> و كانوا بيطلقوا علي الأمراض العقليه لقب << الذهان Psychosis >>
إذن فيه فرق بين الإتنين..
مفهوم الإضطراب النفسي
الحقيقه إن الدليل التشخيصي الأمريكي الخامس هو اللي حددلنا كل ده ف مفهوم واحد و هو ” الإضطراب Disorder “
مفهوم الإضطراب النفسي بمنتهي البساطه هو خروج الشخص عن معدلات السواء النفسي.
طيب إيه هي الاضطرابات النفسيه!
الإضطرابات النفسيه << Psychological disorders >>
” كام مره سمعنا عن شخص إنتحر بسبب الاكتئاب و حياته كانت ماشيه بشكل طبيعي بينزل الجامعه ، بيروح الشغل لدرجة ان بعض الناس الميحيطين بيه بيبقوا ف صدمه شديده لأن مكنش فيه أي تغيير ملحوظ عليه أو بمعني أصح مكنش عندهم وعي بمظاهر الإكتئاب ! “
في الغالب تأثيرها علي الفرد بيكون ضعيف نسبيا بمعني إنها مش بتسبب خلل ملحوظ في حياته
طيب إيه أمثلة الإضطرابات النفسيه..؟
- القلق Anxiety
- الإكتئاب Depression
- الهستيريا Hysteria
- الوسواس القهري Obsessive comsive
- إضطرابات التكيف Adjustment disorder
- الإضطرابات السيكوسوماتيه Psychomatic disorders
طيب إيه هي الإضطرابات العقليه!
الإضطرابات العقليه << Mental disorders >>
غالبا النوع ده من الإضطرابات بيحصل فيه تفكك لشخصية المريض كليا و بينفصل عن العالم الواقعي تماما و بيعيش في عالم من الخيال.
إيه أمثلة الإضطرابات العقليه..؟
- انفصام Schizophrenia
- البارانويا Paranoia
- الهوس Mania
- الإضطراب الوجداني Bipolar affective disorder
- إضطراب المزاج الدائم Persistent mood
والحقيقه إن نسبة إنتشار الإضطرابات النفسيه و العقليه في تزايد بشكل مرعب.
بدليل الإحصائيات اللي قدمتها منظمة الصحه العالميه بتقول إن أكثر من نصف سكان العالم مصاب بالإضطرابات بأنواعها من مختلف مراحل العمر و مختلف المستوايات الإقتصاديه و ده بيكون راجع لعوامل متداخله نفسيه و بيولوچيه وإجتماعيه.
أكثر الإضطرابات انتشارا في العالم!
- ( 7٪ ) مصاب بالإكتئاب
- ( 1٪ ) مصاب بالفصام
- ( 3٪ ) مصاب بالوسواس القهري
- (ثلث) البشر مصابون بالقلق
• المراجع •
– الصحه النفسيه و العلاج النفسي ” حامد عبد السلام زهران “
– العلاج النفسي المعرفي في الإضطرابات النفسيه ” نجيب الصبوه “
#Psychology_With_Fatma
كتب بواسطة : فاطمة حمدى
اقرأ ايضاً:
(5) إقتراحات لقضاء وقت ممتع مع طفلك و التحدث مع الاطفال
لكل مجتهد نصيب، قصة نجاح براند “وردة” للهاند ميد
6 فوائد لتجعل من القراءة عادة يومية