ملخص كتاب علاقات خطرة| د. محمد طه
ملخص كتاب علاقات خطرة
من أجمل كتب الطب النفسي، لدوكتور”محمد طه“، الأسلوب رااااائع وجذاب وممتع، كمان الكتابة باللغة العامية، حقيقي الكتاب ده يتبروز، يشجع أى حد على القراءة، من الكتب الأكثر مبيعًا فى معرض الكتاب لعامين متتالين.
مضمون الكتاب بيتكلم عن معرفة الشخصيات وكيفية التعامل معها، تعريف بعض الأمراض النفسية وأسبابها ونتائجها، واتكلم عن الكارير شيفت.
ملخص كتاب علاقات خطرة
من أجمل العبارات اللى قالها:
“إنك لما تنته من قراءة الكتاب هتكتشف إنك ساهمت فى كتابته معايا”، فعلاً حسيته بيتكلم عن حاجات كتير جوايا..الكتاب مقسم ل 3 أجزاء، اتكلم عن معلومات طبية، معلومات نفسية (أجمل جزئين أثروا فيا واستفدت كتير)، الكارير شيفت”وعلاقات خطرة”
,,,,,
من أجمل الاقتباسات:(ملخص كتاب علاقات خطرة)
“إوعي تلبس دور مش بتاعك، إوعي تسمح لحد يدخلك فى مسرحية حياتية هزلية، ولا لعبة درامية بائسة لا هي بتاعتك ولا أنت قدها، إوعي تلبس دور أى حد يلبسهولك، ولو ده حصل اقلع الدور ده بسرعة.
أكبر ظلم ممكن تعلمه لنفسك أن تكون نسخة من اللى أذاك، وأكبر انتصار عليك من حد ظلمك إنه يحولك نسخه منه، مفيش تشويه أكتر من إنك تعيش بشخصية غير شخصيتك مع شخص تاني .
الفقد ….حق، الحزن……حق، قبول الفقد….نجاة، قبول الحزن …..حكمة.
زي ما قبول الضعف…. قوة ،زي ما قبول الفشل….نجاح، زي ما قبول الحزن حكمة، زي ما قبول الموت حياة.
,,دي حلوة جدًا،،
البحر حلو وجميل،ولكن علشان تعوم، مهم تبذل شوية مجهود، ومعافرة وكفااح، ساعات هتمشي عكس التيار…..
هتقف فى وش الموج، هتقاوم بكل قوتك، الاستسلام للغرق سهل، لكن رحلة الحياة مليانة شرف.
من الحاجات المهمة، إن طريقة وأسلوب الكلام، هو مشروع مريض نفسي من الدرجة الأولى، وأنه قنبلة موقوتة طبعًا ده بوجود العوامل الجينية والبيولوجية.
من أجمل ما تحدث عنه فى جزء الكارير شيفت، هو الإبداع، جملة جميلة جدًا، “اقلع وظيفتك، وجرب تخرج برة الصندوق”
تغيير المهنة مش دايمًا فراغ وضياع ودلع،،مش دايمًا فشل، ولا تعريض للفشل، ولا نهاية فشل، مش بالضرورة عدم فهم أو سوء تقدير، ممكن يكون حد وراه يكتشف نفسه من أول وجديد، حد بيحاول يخرج بره الصندوق،ةحد بيحاول يخرج عن النص، قرر يعمل اللى بيحبه مهما كان “التمن”
إحنا ربنا حط فينا بؤرة من نور، من ولادتنا لغاية ما نموت، سميها “الفطرة”، سميها النفس الحقيقة، سميها قبس من روح الله، النور مش بينطفى أبدًا،مهما اتعرض لأعاصير ورياح وزلازل نفسية، مهما كانت عنيفة، ممكن يخف شوية، ممكن يتوهج شوية لكنه مش بينطفى أبدًا ..
وعن المشاعر قال محمد طه
لما تلاقي مشاعرك سريعة جدًا تجاه أى حد بدون مبرر ولا مقدمات ردد الدعاء ده
“اللهم أرنا الأشياء كما هى”.
ما تفرحش بالتقديس….متقدسش حد….اللى يستاهل التقديس هو ربنا عز وجل وبس…إحنا بشر مش آلهة
فى معلومات طبية كتيرة هكتبها فى الكومنتات، علشان البوست طويل.
وفى جزء تاني بيتكلم عن أنواع الشخصيات وهم 30 نوع، هنزلها فى مقالة تانية إن شاء الله.
فى كتب تانية مشابهة لعلاقات خطرة لدوك”محمد طه ” بردو،
زي الخروج عن النص، مشابه ليه، وفى كتاب تاني “بطعم الفلامنكو”
لينك كتاب علاقات خطرة من هنا .
اقرء ايضا
طريقة سهلة لحفط القرآن الكريم بسهولة واستمتاع
تعلم التصوير الأونلاين بسهولة مجاني ,وفي وقت قصير؟!
تعلم الانجليزي من الصفر مجانا ولماذا ومن أين تبدأ واسهل طرق التعلم .
كتبه | هاجر الرفاعي