ملخص كتاب سبع سنبلات للكاتب محمد إبراهيم

كتاب سبع سنبلات

كتاب يهمس في أذنك بصدق عن حقيقة المشاعر، وكيف يمكنك التعافي من الخذلان الذي ربما تكون واجهته يوماً ما لذا سنتحدث في هذه المقالة عن ملخص كتاب سبع سنبلات…

للكاتب “محمد إبراهيم”

من أكثر الكتب مبيعًا….مزيج ما بين اللغة العربية والعامية.

الكتاب ده من أجمل الكتب على الإطلاق، نظرًا لطريقة الربط فيه، مابين الحياة الدينية والاجتماعية…والعلمية والعملية …. بيحكي فيها الكاتب عن تجاربه الشخصية فى الحياة اللي اتعلم منها دروس غيرته للأفضل، وعن حسن حظه فى زوجته…..

الكتاب من اسمه مقسم لجزئين:

• القسم الأول “السنبلات الخضر”
• القسم الثاني “الأخر اليابسات”

،،،،،،،،،،،،

ملخص كتاب سبع سنبلات : القسم الاول:السنبلات الخضر مقسم ل7 سنابل:

السنبلة الأولى:

“البرعم” يندرج تحته بند “سحر البدايات” هو جاي من اسمه، بيتكلم عن الإعجاب بالشخص
لحد الانبهار اللي بيتدرج بعد كدة للحب واللي بيخلينا مستعدين إننا نعمل أي حاجة علشان نثبت حبنا للشخص ده، في حين إن العالم حوالينا بيكون مندهش من تصرفاتنا وتغيراتنا المفاجئة دي، ومش فاهمين إيه السبب وراها… زي ما الكاتب وضح أن الإنسان لما بيحب حد، بيبان دايمًا منور وسعيد، بحبه ده يقدر يواجه أي عقبة تقابله، في نفس الوقت فى علاقات ركيكة ضعيفة، زي ما قال “زي المية الراكدة”…..ضحلة، مفهاش أي تغير.

كمان صنف المحبين نوعين: منهم ناس زي ما بيقولوا بتوع الشوكة والسكينة …..مزاجانجية يعني….بيحبوا  برواقة، ودول مفيش منهم الرجا فى نظري لأنهم دول بيتسلوا  ومش بيعرفوا  قيمة التضحيات للأسف

النوع التاني: اللي بيندفع  فجأة فى حياة بدون فرملة، كل حاجة عندهم بتكون بصدق وثقة وآمان مفيش خداع ولا نفاق ……دول ناس كل حاجة طالعة من قلبهم ….

ممكن الناس بتيجي فى حياة البني آدم  على هيئة “عوض” يهونوا  علينا عناء الحياة.. اللي بيستحملونا غصب عننا…زي الكربون كدة كل ما نضغط عليهم باندفاعنا وعصبيتنا بيتحولوا “لماس”…….الناس اللى كل ما نقع ياخدوا بإيدينا… من غير ما نطلب منهم…. فاكرينا  طول الوقت .

السنبلة التانية:

“الفروع”…..يندرج تحتها بند “زدني بفرط الحب فيك تخيرا”….

اللي ملخصه إنه. ..لازم تختار صح، إنك تحب بحساب، لأن فى كل الحالات أنت اللى هتتضر، هتعاني، فى حالة حب من طرف واحد…..اختار اللى يشبهك، يكملك فى كل حاجة، تعيش معاه وانت مطمن، اللى وقت ما يحصل خلاف، مش هينسي  الفضل بينكم.

السنبلة الثالثة:

“السنبلة  الصادقة”……. أساس أي علاقة ناجحة بين أي طرفين سواء أصدقاء أو أزواج، هو “الصدق” و “الثقة”…. وبس كده .

السنبلة الرابعة:

“الجذور الثابتة”. يندرج تحتها بند “الذكرياات”……وما أحلاها  الذكرياات.
الخلاصة : إن الذكريات فى أي علاقة حقيقية….بتكون الرصيد الدافع أنه يخلينا نحِن لبعض فى وقت الخلاف.
زي كده ما ربنا قال: “ولا تنسوا الفضل بينكم”…….”فالبدايات للجميع والثبات للصادقين”….

السنبلة الخامسة:

“العتاب”……. ده من أجمل وأمتع السنابل. واقعي جدا، بيحكي كل حاجة مهما كتبت عنه مش هوفيه  حقه ،،، ملخصه إنه العتاب بيكون من الناس القريبين، المقربين وبس، حتي المقربين بيكون لهم تاريخ صلاحية……..غير كده إنه مش أي حد نعاتبه، لو حد عمل موقف مش لطيف وأول مرة نشوفه، بنضطر نعديها، لأنه “شخص مهمش” في حياتنا….صفر على الشمال…سطحي لأبعد حد… بس أنا كده ظلمت السنبلة دي الحقيقة .

السنبلة السادسة:

“الكلمة الطيبة”……. بالكلام الحلو ترجع لي ابتسامتي…وده اللي ربنا عز وجل قاله…..الكلمة بتقلب  محور الكون سواء حلوة  أو مرة ……فى كلتا الحالتين بتعلم أثر فى قلوبنا……الكلمة الحلوة بتدي الإنسان ثقة وبتدعمه وتشجعه، والكلمة الخبيثة  بتهد جبال من علاقات بقالها سنين، ياما فى ناس مسار حياتها اتغير 360 درجة اللي اتغير للأحسن، وفي بردو اللي اتغير للأسوأ للأسف…….الكلام زي الملح فى الطعام…..الكاتب قال جملة جميلة فى آخر الجزء ده…..الكلمة التي لم تنطق بها فأنت تملكها……وإذا نطقتها فهي تملكك……رفقًا.

السنبلة السابعة :

“البقاء للأجمل “…الألطف  الأحن. ……الناس اللى باقية معانا للنهاية، رغم كل خلاف بيوصل لنهاية العلاقة…..إلا أننا بنقدر نتجاوزه …… ده مش معناه  إن مش بيحصل بين الطرفين مشاكل، لا بيحصل؛ بس كل واحد متمسك بالتاني، وعارف قيمته.

ده كان تلخيص الجزء الأول “الأخضر”.

لقراءة وتحميل الكتاب من هنا .

اقرأ ايضاً: تلخيص كتاب كتالوج الحب الجزء الأول

كتبه | هاجر الرفاعي