ازاي اقدر اعمل بروفايل لينكد ان ويكون قوي
لينكد ان هو موقع علي الانترنت وهو من ضمن مواقع التواصل الاجتماعي بس بيستخدم كموقع للتواصل المهني. ففي المقالة دي هنتكلم عن ازاي اقدر اعمل بروفايل لينكد ان ويكون قوي.
تم تأسيس موقع لينكد ان في ديسمبر 2002 وبدأ التشغيل الفعلي للموقع في مايو 2003.
الموقع مترجم للغات كتير وصلت ل 24 لغة.
عشان تبدأ توصل للناس بسهولة لازم يكون الملف التعريفي ليك علي لينكدان (بروفايل لينكد ان) يكون قوي وكل المعلومات ال فيه صح.
بروفايل لينكد ان شبه السيرة الذاتية او ال CV لانك بتعرض فيه كل حاجه عملتها في حياتك المهنية زي الخبرات ال انت اخدتها او الكورسات الاتعلمتها او اشتغلت فين قبل كدة وبتشتغل فين دلوقتي.
ممكن تقدم من خلال لينكد ان لاي وظيفة فعشان كده لازم يكون بروفايل لينكد ان قوي.
نصائح بروفايل لينكد ان
- اختار صورة البرفيل بتاعتك بحيث انها تكون مبينة وشك كويس, مبتسم, خلفيته مناسبة لان بيتم اخد الانطباع الاول عنك من خلالها.
- حاول بدل ما يكون العنوان الرئيسي هو مكان شغلك دلوقتي حاول تسوق لنفسك بكل الحجات المميزة فيك.
- لازم تهتم بالملخص عشان ده ال بيجذب الناس ليك وحول يكون فيها كلمات مفتاحية علشان يقدروا الناس الوصول ليك.
- حاول انك تكتب ال انجزته وعملته خلال وظيفتك مش بس الوصف الوظيفي.
- حاول تعرض كل مهارتك بشكل ان يبين ان انت واحد من اهم الناس في المجال.
- اكتب كل المشاريع اللي انت شاركت فيها او ورش عمل وده هيساعدك في انك تعرض ال عملته وانجزته.
- حاول انه يكون عندك اكتر من 500 connection علي لينكد ان 60% منهم ليهم علاقة بالمجال بتاعك ونسبة من الموظفيين الشغالين في مجال الHR في الشركات ال نفسك تشتغل فيها.
Social Selling Index
ممكن تستخدم Social Selling Index هي أداة بتحاول تقيس مدى قوة وفعالية بروفايل لينكد ان الخاص بك وبيتم تقيمه وتعطيك علامة من 100.
—————————–
Social Selling Index بيشتغل علي انه يقوم بالتقييم اللي بينقسم لأربع أقسام كل واحد فيهم ب 25% :
المقياس الأول بروفايل لينكد ان هو Establish your professional
ودا بشتغل انه يقيم قوة البروفايل الخاص بيك وبيديك النتيجة بعد كده.
دائماً بيركز علي هل بروفايلك قوي بشكل كافي وهل هو بيتكلم عنك ولا نص نص ولا البروفيل الخاص بيك هو مبتدأ.
طب هل هو فيه معلومات بشكل كافي وفعلاً بتتكلم عنك وعن خبرتك وبتسهل وصول الناس ليك.
المقياس الثاني وهو Finding the right people
Finding the right people او ايجاد الاشخاص المناسبة للمحتاجه وده بيقيس هل انت بتضيف الناس الصح في المكان الصح وفي نفس مجال عملك؟ طب هل الناس دي إيميلاتها صحيحة ولا فيها خلل.
كورسات لينكد ان Linkedin المجانية 2020
المقياس الثالث بروفايل لينكد ان هو Engage with insights
Engage with insights وهو بيحاول يقيس تفاعلك. فكل ما تكون متفاعل أكتر كل ما هظهر محتواك للناس أكتر.
ممكن الناس تتفاعل مع منشورك من خلال انهم تقوم بإعجاب، مشاركة تعليق، منشور عندك جاب تفاعل كبير.
وكل ما تكون قادرعلي انك تجذب الجمهور المستهدف.
كل ما هتزيد فرصتك في انك تحقق هدفك في أقصر وقت ممكن واقل جهد.
المقياس الرابع هو Build Relationships
بناء العلاقات ودا بيقيس على أساس نسبة ردك على الرسايل وعلى التعليقات وتفاعلك مع الناس.
لو عايز تقيس قوة بروفايلك اضغط هنا.
نقلاً عن| الآء المصري