ماهى المناعة وافضل طرق تقوية المناعة للانسان 2020
![](https://freecoursesandbooks.net/wp-content/themes/publisher/images/default-thumb/full.png)
بسبب كورونا والظروف التي نمر بها يجب ان نفهم جهازنا المناعي وطرق تقوية جهاز المناعة للحفاظ علي صحتنا وصحة من حولنا.
وفي هذه المقالة سنتجدث بشكل مفصل عن الجهاز المناعي وطرق تقويتة.
الجهاز المناعي
جهاز المناعه وكيفية تقويته كلنا حاليًا بندور إزاي نقدر نزود و تقوية جهاز المناعة عشان نقدر نحاول نحارب الفيروسات المنتشرة.
لكن مفهومنا أصلًا عن زيادة المناعة مفهوم خاطئ مفيش حاجة اسمها نزود المناعة وهنفهم دا دلوقتي.
نتكلم مبدأيًا عن الطرق اللي مفروض نعزز ونقوي بيها جهازك المناعي .
طرق مفيدة تساعد علي تقوية جهاز المناعة ومكافحة الأمراض
جهاز المناعه وتقوية جهاز المناعة بشكل عام
جهازك المناعي بيقوم بعمل رائع في الدفاع عنك ضد الكائنات الحية الدقيقة اللي بتسبب الأمراض, ولكن في بعض الأحيان بيفشل: الجرثومة تقدر تغزو بنجاح وتخليك مريض.
طب هل الممكن نتدخل في العملية ده وتعزز جهاز المناعة عندك؟
إيه رأيك لو عملت بعض التحسينات لنظامك الغذائي؟
تاكل شوية الفيتامينات أو المستحضرات العشبية؟
تعمل تغييرات تانية في نمط الحياة على أمل إنتاج استجابة مناعية شبه مثالية؟
••إيه تقدر تعمله لتقوية جهاز المناعة عندك؟
فكرة تعزيز مناعتك جذابة، لكن القدرة على القيام بده تم إثبات إنها أصعب من اللي نتخيله لأسباب.
جهاز المناعة هو بالظبط نظام وليس كيان واحد عشان يشتغل بشكل كويس، لازم تكون متوازنة ومنسجمة.
ولسه منعرفش كتير عن تعقيدات الاستجابة المناعية وترابطها، حاليًا مفيش روابط مباشرة مثبتة علميًا بين نمط الحياة والوظيفة المناعية المُعززة.
لكن دا مش معناه إن آثار نمط الحياة على جهاز المناعة مش مثيرة للاهتمام.
اكتشفنا إن آثار النظام الغذائي وممارسة الرياضة والسن والضغط النفسي وعوامل تانية على الاستجابة المناعية سواء في الحيوانات أو في البشر.
في الأثناء ده، تعتبر استراتيجيات الحياة الصحية العامة طريقة كويسة للبدء في إعطاء الجهاز المناعي دفعة.
عمل جهاز المناعة :
يقدر الجهاز المناعي الصحي أنه يهزم مسببات الأمراض الغازية.
بحيث لا تتطابق نوعين من البكتيريا اللي بتسبب السيلان مع الخلايا البلعمية الكبيرة، بتتسمى بالعدلات، اللي بتبتلعها وتقتلها (بص علي الأسهم).
◇طرق صحية لتقوية جهاز المناعي عندك
خط دفاعك الأول هو اختيار نمط حياة صحي.
تتبع الإرشادات العامة للصحة الجيدة هي أفضل خطوة ممكن تخادها عشان تحافظ على نظام المناعة عندك قوي وصحي بشكل طبيعي.
كل جزء من جسمك ، بما فيه جهاز المناعة عندك ، بيكونوا بشكل أفضل لما تكون محمي من الهجمات البيئية وبيدعمه استراتيجيات الحياة الصحية زي:
- عدم التدخين
- تاكل نظام غذائي غني بالفواكه والخضروات.
- ممارسة الرياضة بانتظام.
- حافظ على وزن صحي.
- لو كنت بتشرب الكحول ، اشرب باعتدال بس (ويت كدا ، دا عندهم هما عندنا هنا متقربش منها ).
- نام بساعات كافية.
- خُد خطوات لتجنب العدوىزي غسل ليديك بشكل متكرر وتطبخ اللحوم كويس
- حاول تقلل الضغط.
◇تقوية المناعة بطريقة صحية
منتجات كتير على رفوف المحلات بتدعي أنها تعزز أو بتدعمها، لكن مفهوم تعزيز المناعة ملوش معنى علمي في الواقع.
طب تخيل في الواقع بقا ، زيادة عدد الخلايا في جسمك – الخلايا المناعية أو غيرها – مش دايمًا شئ كويس.
مثلاً:
الرياضيين اللي بيشاركوا في المسابقات بياخدوا “منشطات الدم” – وده بيزيد ضخ الدم في أنظمتهم لزيادة عدد خلايا الدم عندهم وتحسين أدائهم – بيتعرضوا لخطر الإصابة بالسكتات الدماغية.
محاولة تعزيز خلايا جهاز المناعة عندك هو يعتبر أمر معقد جداً.
لأن في كتير من الأنواع المختلفة من الخلايا في جهاز المناعة اللي بتستجيب لكتير من الميكروبات المختلفة بطرق كتير.
طب إيه هي الخلايا اللي لازم تعززها وعددها قد إيه؟
لحد دلوقتي منعرفش الإجابة اللي معروف هو أن الجسم بيولد باستمرار خلايا مناعية.
وأكيد بتنتج خلايا ليمفاوية أكتر من اللي ممكن تستخدمه بتزيل الخلايا الإضافية نفسها من خلال عملية طبيعية لموت الخلايا اسمها موت الخلايا المُبَرمَج.
شوية منهم قبل ما يعملوا أي حاجة وشوية تانيين بعد الفوز في المعركة.
محدش يعرف عدد الخلايا أو أفضل مزيج من الخلايا بيحتاجه الجهاز المناعي عشان يبقي في مستواه الأمثل.
◇الجهاز المناعي والعمر
مع تقدمنا في السن، بتنخفض قدرتنا على الاستجابة المناعية، واللي بيساهم بدوره في العدوى أكتر والسرطان أكتر.
فمع ارتفاع متوسط العمر المتوقع في البلدان المتقدمة, هيزيد حدوث الحالات المرتبطة بالسن في حين أن بعض الناس بيتقدموا في السن بصحة كويسة.
فالخلاصة اللي توصلت ليها دراسات كتير هي أنه بالمقارنة مع الشباب، فكبار السن أكتر عرضة للإصابة بالأمراض المعدية، والأهم من دا ، أنهم أكتر عرضة للوفاة بسببهم.
بتعتبر التهابات الجهاز التنفسي والإنفلونزا وخاصة الالتهاب الرئوي من الأسباب الرئيسية للوفاة بين الأشخاص فوق سن 65 في العالم.
محدش يعرف علي وجه اليقين سبب حدوث دا، لكن في علماء لاحظوا أن دا الخطر المتزايد اللي بيرتبط بانخفاض في الخلايا التائية، وممكن من ضمور الغدة الصعترية مع تقدم العمر وإنتاج خلايا T أقل لمحاربة العدوى.
طب لو كان لانخفاض دا في وظيفة الغدة الصعترية بيفسر الانخفاض في الخلايا التائية أو لو كانت التغييرات التانية اللي بتلعب دور غير مفهوم خالص.
العلماء التانيين مهتمين ب لو كان نخاع العظام بيبقى أقل كفاءة في إنتاج الخلايا الجذعية اللي بتؤدي لظهور خلايا جهاز المناعة.
فعالية اللقاحات التي تساعد علي تقوية جهاز المناعة
وظهرت استجابة لكبار السن للقاحات انخفاض الاستجابة المناعية للعدوى.
على سبيل المثال، دراسات قالت لقاحات الإنفلونزا أنه بالنسبة للأشخاص اللي سنهم 65 سنة بيكون اللقاح أقل فعالية بكثير مقارنة بالأطفال الأصحاء (فوق سن 2).
ولكن على الرغم من انخفاض الفعالية, اللقاحات ضد الأنفلونزا والالتهاب الرئوي ادت الي انخفاض في معدلات المرض والوفاة عند كبار السن بشكل كبير بمقارنتها بعدم التطعيم.
باين في صلة بين التغذية والمناعة عند كبار السن، بيُعرف بشكل من أشكال سوء التغذية الشائعة بشكل مدهش حتى في البلدان الغنية بيعرف باسم “سوء التغذية بالمغذيات الدقيقة.
سوء التغذية بالمغذيات الدقيقة، بيعاني الشخص من نقص في بعض الفيتامينات الأساسية والمعادن اللي يتم الحصول عليها أو استكمالها بنظام غذائي.
ممكن تكون شائعة عند كبار السن، بيميل كبار السن لأكل أكل أقل وقليل لما يكون عندهم تنوع أقل في وجباتهم الغذائية.
واحدة من الأسئلة المهمة هل المكملات الغذائية بتساعد كبار السن في الحفاظ على صحة وتقوية جهاز المناعة ؟
لازم كبار السن مناقشة السؤال دا مع طبيب.
لأن ممكن بعض المكملات الغذائية تكون مفيدة لكبار السن، حتى التغييرات الصغيرة ممكن يكون لها آثار خطيرة في الفئة العمرية ده.
◇النظام الغذائي والجهاز المناعي
زي أي قوة قتالية، بيمشي جيش الجهاز المناعي على بطنه, بيحتاج محاربين جهاز المناعة الصحي لتغذية منتظمة.
إحنا عارفين إن اللي بيعيشوا في فقر وسوء التغذية هما أكتر عرضة للأمراض المعدية.
ومع كدا، مش مؤكد لو كان ارتفاع معدل المرض ناتج عن تأثير سوء التغذية على جهاز المناعة.
لسه في دراسات قليلة نسبيًا عن تأثيرات التغذية على الجهاز المناعي للإنسان، وحتى عدد أقل من الدراسات اللي بتربط آثار التغذية مباشرة بتطور الأمراض (مقابل العلاج).
في بعض الدلائل على أن نقص المغذيات الدقيقة المختلفة – زي أوجه القصور في الزنك والسيلينيوم والحديد والنحاس وحمض الفوليك والفيتامينات A و B6 و C و E – بتغير الاستجابات المناعية في الحيوانات وتم قياسها في أنبوب الاختبار.
ومع كدا، فتأثير تغيرات نظام المناعة ده على صحة الحيوانات أقل وضوحًا، ومتمش لسه تأثير أوجه القصور المماثلة على الاستجابة المناعية البشرية.
طب إيه ممكن أن تعلمه؟
لو كنت بتشك في أن نظامك الغذائي مش بيوفر كل احتياجاتك من المغذيات الدقيقة – ممكن مثلًا مبتحبش الخضار.
فممكن يؤدي مكمل غذائي يومي الغرض من الفيتامينات والمعادن لفوايد صحية تانية، بما يتجاوز أي آثار مفيدة محتملة على جهاز المناعة.
فمش معناه تاخد جرعات كبيرة من فيتامين واحد ضرره هيبقي أكبر.
◇تحسين المناعة بالأعشاب والمكملات الغذائية؟
روح المحل، وهتلاقي علب من الحبوب والمستحضرات العشبية اللي بتدعي أنها “تدعم المناعة” أو بتعزز صحة جهازك المناعي.
على الرغم من أنه لقينا شوية مستحضرات لتغيير بعض مكونات وظيفة المناعة ، إلا أنه مفيش لحد دلوقتي دليل على أنها بتعزز المناعة فعلًا لدرجة تحمي بشكل ضد العدوى والمرض.
إثبات لو كان العشب ممكن يعزز المناعة لحد دلوقتي ده حاجة معقد جدًا.
العلماء مثلًا ميعرفوش لو كان العشب اللي بيُقال أنه بيرفع مستويات الأجسام المضادة في الدم هل بيعمل حاجة مفيدة للمناعة .
◇الإجهاد والوظيفة المناعية
الطب الحديث دلوقتي بقا بيقدر العلاقة بين العقل والجسد.
بترتبط مجموعة متنوعة من الأمراض، بما فيهم اضطراب المعدة وال honey comp appearance (وده بتظهر في الأشعة بتصيب أي عضو في المريء زي في حالات إنسداد المريء أو بعض حالات إلتهاب الشعب الهوائية) وحتى أمراض القلب بآثار الإجهاد العاطفي.
على الرغم من دا، بيدرس العلماء العلاقة بين الإجهاد والوظيفة المناعية .
لكن صعب لسبب واحد هو أنه من الصعب تعريف أو تقدير الإجهاد بمعني إن ممكن يكون موقف مرهق لشخص لكن مش مرهق بالنسبة لواحد تاني .
زي لما يتعرض الناس لحالات بيعتبروها مرهقة، بيصعب علينا قياس مقدار الضغط اللي حاسين بيه، و صعب علينا نعرف لو كان الانطباع الشخصي للشخص عن مقدار الضغط دقيق ولا لأ.
إنما نقدر نقيس بس الحاجات اللي بتعكس الإجهاد زي نبضات القلب لكن برضو المقاييس ده ممكن تكون مؤشر لحاجة تانية خالص غير الإجهاد.
ومع كده فمعظم العلماء اللي بيدرسوا علاقة الإجهاد والوظيفة المناعية، مبيدرسوش ضغوط مفاجئة قصيرة العمر.
بدل من دا بيحاولوا دراسة الضغوطات الأكتر ثبات والمتكررة المعروفة باسم الإجهاد المزمن، زي اللي بتسببها العلاقات مع العيلة والصحاب وزملاء العمل، أو التحديات المستمرة لأداء كويس في الشغل.
هما بقى لسه بيحققوا لو الضغط المستمر بيأثر بالسلب على جهاز المناعة ولا لأ.
ولكن الصعب نعمل “التجارب السريرية ( interventional studies) ” في البشر.
في التجربة السريرية، ممكن تغيير عامل واحد بس، زي كمية مادة كيميائية معينة، بعدين قياس تأثير التغيير دا على الظواهر التانية القابلة للقياس.
زي كمية الأجسام المضادة الناتجة عن نوع معين من خلية الجهاز المناعي لما بيتعرض للمادة الكيميائية.
في الحيوانات الحية وايضاً في الإنسان النوع دا من التحكم غير ممكن؛ لأن حيث في حاجات كتيرة بتحصل للحيوان أو الشخص في الوقت اللي بيتم فيه القياسات.
على الرغم من صعوبات الحتمية في قياس علاقة الإجهاد بالمناعة، فالعلماء واخدين خطوة كويسة.
◇هل البرد بيضعف جهازك المناعي؟
تقريبًا كل أمهاتنا قالت: “إلبس الجاكيت بتاعك وإلا هيجيلك برد!” هل هي عندها حق؟
في إعتقاد العلم لحد دلوقتي التعرض الطبيعي للبرد المعتدل ميزيدش من تعرضك للإصابة.
بيتفق معظم خبراء الصحة على أن سبب فصل الشتاء هو “موسم البرد والإنفلونزا”.
مش إننا حاسين ببرد ولكن عشان ينقضي وقت أكتر عشان في اتصال وثيق مع التانيين اللي ممكن ينقلوا جراثيمهم.
في تجارب على الفيران أن التعرض للبرودة ممكن يقلل من القدرة على التعامل مع العدوى، ولكن البشر؟
في علماء غرقوا الناس في المياه الباردة و حلوه من غير هدوم في درجات حرارة منخفضة.
ودرسوا الأشخاص اللي عاشوا في أنتاركتيكا واللي بيعمولوا رحلات استكشافية في جبال الروكي الكندية.
وكانت النتايج متفاوتة، مثلا وثق الباحثين زيادة في التهابات الجهاز التنفسي العلوي في المتزلجين المتنافسين في البلاد اللي بيمارسوا الرياضة بقوة في البرد.
ولكن هل العدوى ده ناتجة عن البرد أو عوامل تانية – زي التمرين المكثف أو جفاف الهواء – ده مش معروف.
ملخص دا إن التعرض للبرد المعتدل – مالوش تأثير ضار على جهاز المناعة البشري.
هل لازم تلبس تقيل لما يكون الجو بارد؟ ا
لجواب هو “آه” لو مكنتش مرتاح، أو لو هتبقى بره البيت لفترة طويلة بحيث هيكون في مشاكل زي شدة البرودة وانخفاض حرارة الجسم في خطر.
لكن ملوش علاقة بالمناعة.
◇الرياضة: كويسة ولا لأ للمناعة؟
الرياضة المنتظمة هي واحدة من أركان الحياة الصحية بيحسن صحة القلب والأوعية الدموية، وبيخفض ضغط الدم.
و ايضاً بيساعد على التحكم في وزن الجسم بيحمي من مجموعة متنوعة من الأمراض.
ولكن هل دا يساعد على تعزيز نظام المناعة بشكل طبيعي والحفاظ على صحته؟
زيه بالظبط زي النظام الغذائي الصحي، ممكن أن تسهم الرياضة في صحة كويسة بشكل عام وبالتالي في نظام المناعة الصحي.
ممكن يساهم بشكل مباشر أكتر من خلال تعزيز الدورة الدموية الجيدة، واللي بتسمح لخلايا ومواد الجهاز المناعي تتحرك عبر الجسم بحرية وتعمل شغلها بكفاءة.
حاولنا ناخد خطوة لتحديد لو كانت الرياضة بتأثر بشكل مباشر على تعرض الشخص للإصابة.
على سبيل المثال بنبحث لو كانت الكميات المفرطة من التمارين المكثفة ممكن تتسبب في مرض الرياضيين.
في كتير من الأحيان أو بطريقة ما تضعف وظائفهم المناعية، عشان نقوم بالنوع دا من البحث.
بنطلب عادةً من الرياضيين ممارسة الرياضة بشكل مكثف ونقوم باختبار الدم والبول قبل وبعد التمرين للكشف عن أي تغييرات في مكونات جهاز المناعة.
في حين تم تسجيل بعض التغييرات ، فعلماء المناعة ميعرفوش لحد دلوقتي معني التغييرات ده من حيث الاستجابة المناعية البشرية.
الرياضة المعتدلة
لكن الأبحاث ده لفئة معينة من الرياضيين اللي بيعملوا مجهود بدني شديد، طب والرياضة المعتدلة للناس العادية ؟؟ هل دا بيساعد على الحفاظ على صحة الجهاز المناعي؟
في الوقت الحالي:
على الرغم من عدم إنشاء رابط مفيد، فمن المعقول اعتبار التمرين المنتظم المعتدل سهم مفيد في الحياة الصحية.
وهو وسيلة مهمة محتملة للحفاظ على صحة جهازك المناعي جنبًا إلى جنب مع بقية جهاز الجسم.
واحدة من الأساليب اللي ممكن تساعد الباحثين في الحصول على إجابات أكتر اكتمالًا عن لو كانت عوامل نمط الحياة مثل الرياضة بتساعد على تحسين المناعة, هو تستفيد من تسلسل الجينوم البشري.
ممكن نستخدم الفرصة ده للبحث القائم على التكنولوجيا الطبية الحيوية المُحدث لنجد إجابة أكتر اكتمالاً للسؤال دا وأسئلة مماثلة عن جهاز المناعة.
على سبيل المثال:
بتسمح المصفوفات الدقيقة أو “رقائق الجينات” القائمة على الجينوم البشري للعلماء بالنظر في وقت واحد في كيفية تشغيل أو إيقاف تشغيل آلاف سلاسل الجين استجابة لظروف فسيولوجية محددة.
على سبيل المثال، خلايا الدم من الرياضيين قبل وبعد التمرين.
بنأمل في استخدام الأدوات ده لتحليل الأنماط عشان نفهم أفضل كيفية عمل العديد من المسارات في وقت واحد.
●●الملخص:
تقريبًا كدا غيرت المفاهيم بتاعتنا كلنا عن حاجات كتير خصوصًا زيادة المناعة وإن أصلًا مفيش حاجة اسمها زيادة مناعة.
المفروض المناعة تكون متوازنة وتتصرف صح في الوقت الصح.
لأن لو قليلة هيحصل أمراض ولو كتير هيحصل أمراض بردو زي الحساسية ودا شيء خطر.
فكل الكلام اللي بيحصل دلوقتي وخد عسل نحل أو توم أو لمون كل دا ملوش أي معني لزيادة المناعة ما هو إلا نظام غذائي سليم بس.
كل التمنيات بالشفا والقوة لكل محاربين الأمراض في العالم.
تم الكتابة بواسطة: يارا فتحى
اقرا ايضا