كيفية الاستفادة من الأزمة الاقتصادية الحالية

كيفية الاستفادة من الأزمة الاقتصادية الحالية وخصوصا ان الوضع الراهن بيفرض علينا تساؤلات كتير من نوعية، إزاي احمي نفسي من الإفلاس؟، ولا كلنا هنخسر؟

اجابات الأسئلة دي محتاجة منك في البداية تفهم Personal Finance، علشان تعرف إزاي تتعامل مع الفلوس،
ويكون عندك وعي بالدخل والإنفاق، وتقدر تحمي نفسك من خطر الإفلاس وتتعامل مع الأزمة صح لأن زي ما بيقال
إن “الثروات تُصنع وقت الأزمات”.

في البداية لازم تفهم إن فلوسك متقسمة ٤ حاجات:

1-دخل (income): دي الفلوس اللي بتجيلك من شغلك.

2-أصول (Assets): دي الفلوس المتمثلة في شهادات استثمار، أو عقارات.

3-نفقات (Expensses): ودي مصاريفك اليومية زي الأكل والشرب والمواصلات.

4-التزامات (laibilites): دي زي أقساط العربية، والشقة، وقرض البنك.

الدخل اللي بيجيلك من شغلك اللي أنت مطحون فيه من ٨ لـ ٥ اسمه Active income، ودا لو بيغطي نفقاتك والتزا

---

ماتك يبقى أنت من أصحاب الطبقة المتوسطة.

اما الدخل اللي بيجيلك من الأصول اسمه Passive income، يعني عبارة عن فلوس بتجيلك وأنت باشا حاطط
رجل على رجل مفيش احسن من كدا، والغني بقي هو الشخص اللي الـpassive income بتاعه بيغطي نفقاته
والتزاماته، يعني من الآخر لو بطل شغل مش هيموت من الجوع.

أما بقى لو دخلك الـpassive مغطي التزاماتك ونفقاتك وبيزيد، مبروك أنت بقيت من الأثرياء، والناصح هو اللي
يعمل إعادة استثمار ( re-invest) للفلوس الزيادة دي، علشان يزود الـ passive income بتاعه.

الخلاصة إنك لو فاكر إن شغلك لوحده ممكن في يوم يخليك غني تبقي غلطان، لازم تزود أصولك وإلا هتبقى من
أصحاب الطبقة المتوسطة ودول للأسف أكثر الأشخاص تأثرًا بالأزمات.

يبقي اتكلمنا في المقال دة عن كيفية الاستفادة من الأزمة الاقتصادية الحالية ولو حابب تعرف أكتر عن الاستفادة من
الأزمة اضغط هنا

ولو عايز تعرف إزاي تبقي من أصحاب الـPassive income، استنى المقال الجاي.

كتب بواسطة| شيماء ياسر

اقرا ايضا: هدية كورونا المجانية لرواد الأعمال والمدراء