استراتيجيات التسويق
ليه بنتعلم تسويق؟
1- عشان تكسب فلوس من شغلك اون لاين على مواقع الفريلانسر زي مثلا موقع خمسات – فريلانسر – مستقل – خدمات – شغل أون لاين، ودا من خلال تطبيقك ل استراتيجيات التسويق.
2- عشان تسوق لنفسك البزنس الخاص بيك.
3- عشان حابب تغير ليه مسارك الوظيفى ف انت محتاج تعمل تسويق لنفسك فى سوق العمل أول خطوه، وبعدين تعمل تسويق للخدمه أو المنتج اللى هتقدمه أى كان هو ايه.
هل فيه طريقة تسويق صح وطريقة تسويق غلط وازاى نطبق استراتيجيات التسويق؟
فيه ناس بتعتقد مفكره ان أى طريقه للتسويق طالما انت بتشبع رغبة العميل وبتعمل محتوى كويس يبقى احنا كدا خلاص عدينا والسوق بقى بتاعنا.
مش معنى عملت ميزانيه وحطيت يافطتين وإعلانين يبقى انت كدا عملت تسويق، لازم يكون فيه بلان A وبلان B، فى الحقيقه فى حجات انت لو معملتهاش بتبقى ولا كأنك عملت تسويق أصلا.
أول غلطه بتعملها انك مش بتكون حاطط خطه واضحه عشان زي مابيقولو كدا: ” لا مجال للعشوائيه فى عالم التسويق “.
لازم تكون عامل Marketing Plan قويه وذكيه وتحلل السوق وتعمل Marketing Research لغاية ماتوصل لوضع ال Goals
اللى هتحقق بيها النمو للبيزنس بتاعك وتوصل لتارجت الأرباح اللى انت عاوزه، ومش بتكون بتسوق كدا وخلاص، وتتفاجئ ان فى الآخر مفيش أرباح.
تانى حاجه ان الناس بتعمل محتوى وتسوقله بطريقه غلط، زي مثلا بيعملوا فيديو ترويجي بطريقه جذابه وتبدأ تنشره بس بطريقه غلط أو بطريقه متوصلش للناس أصلا.
معنى و اهمية استراتيجيات التسويق
استراتيجية التسويق معناها انك بتحط خطه تفصيليه بكيفيه الدخول للسوق، وازاى كل مره تقدر تجذب عملاء جُدد
وازاى تحقق أهداف المنظمه ودا بيكون من خلال اشباع احتياجات السوق والعملاء المستهدفين.
ثم انها بتساعد المسوقين انهم يتنبؤا بالمشاكل التسويقية اللى بيكون فيه احتمال انها تحصل فى المستقبل ودا بيخليهم
يستعدوا بشكل كويس ويكون عندهم القدره يواجهوا المشاكل دى، كمان الإستراتيجية بتساعدهم فى تحديد نقاط الضعف والقوه
فى المنظمه بالمقارنة بالمنافسين التانيين، عشان كدا احنا لازم نهتم باستراتيجيه التسويق واحنا بنحط ال Marketing Plan.
ما هى استرتيجيات التسويق؟
دلوقت هقولك استراتيجية التسويق بتتضمن ايه:
4P=( Product- price- Place- Promotion )
وبقوا “7p” حديثا بعد ما اتضاف عليهم تلاته كمان ( People – process – physical Evidence )
وهنتكلم دلوقت عن اول اربعه لان دول الشكل المبدئي للاستراتيجيه وف مقال تانى هنتكلم عن الباقى لان يطول شرحهم.
1-Product أول حاجه فى التسويق هى تصميم المنتج نفسه وما بيشمل ( جودة المنتج) – ( شكل المنتج ) –
( لون المنتج ) – ( حجم المنتج)، ودا بيكون بناءً على متطلبات السوق وحجمه والمنافسه اللى بتكون موجوده فيه، بعد دراسه لسلوك المستهلكين.
2- price بعد مابقى عندنا منتج مثالى صممناه بناءً على دراسات وإحصائيات كبيره، الخطوه التانيه بتكون التسعيره، فيه شركات بتعتبر
ان التسعير أهم عنصر فى استراتيجية التسويق، وطبعا بيكون اختيار السعر على حسب طبيعة المستهلكين اللى بنستهدفهم وحجم الانتاج بتاعهم.
3-Place هنا بنعنى بالمكان السوق واللى بيشمل النقل والتوزيع وازاى نقدر نلبى حاجة المستهلك، وبعد التطور التكنولوجى اللى بنعيشه حاليًا فكرة التجارة والتسويق الالكتروني خلى السوق مالوش حدود جغرافية ودا خلانا ننظر لعنصر المكان بنظره مختلفة.
4- Promotion فيه شركات بتختصر استراتيجية التسويق فى النقطه دى بس، لكن فى الحقيقه لو مكنش فيه منتج كويس وبسعر مناسب وموجود فى مكان مناسب، كانت الإستراتيجية دى هتفشل.
وعملية الترويج بتكون عن طريق الاعلانات على التليفزيون ومواقع التواصل الاجتماعي وتحسين محركات البحث والفيديوهات الدعائيه وإلى آخره.
كتبته/ سهيلة أشرف العمروسى
تعلم اللغة الانجليزية للمبتدئين من الصفر