كتير بنشوف او نسمع كلمة ( كوتشينج Coaching )

▪️خلينا نتكلم عن الكوتشينج بشكل عام و نعرف هو ايه و ممكن يفيدنا بإيه، – اهم تعريف معتمد لمفهوم الكوتشينح هو التعريف الخاص بالـICF – الاتحاد الدولى للكوتشنج :
– هو علاقة شراكة Partnering بين الكوتش والعميل و هي عملية مثيرة للتفكير و الإبداع بتزود الإلهام لزيادة امكانياتهم الشخصية و المهنية . يعني ببساطة الكوتشينج دا عملية هدفها تحسين الأداء والكفاءه و بتركز علي ( هنا و دلوقتي ) بدل من التركيز علي الماضي و المستقبل البعيد

– الكوتشينج علاقه احترافيه تساعد الناس علي تحقيق نتائج إستثنائية في حياتهم الشخصية و المهنية أو أعمالهم أو مؤسساتهم ، و دا بيساعد الناس انها تحدد المسافه بين مكانهم الحالي و اللي عايزين يكونوا فيه ويقدروا فعليا يوصلوا له .

– الـ Coach مع الـ Client ( الشخص المستفيد من الكوتشينج ) بيشاركوا سوا في تصميم الحياة اللي عايزها ال Client ، وبيقدروا يظهروا الموارد الخاصة به بحيث يمكنهم تحقيق التميز و خلق حياة هادفة وغير عادية ، من خلال الـ Clarity ( الوضوح ) ومن خلال توفير اكبر قدر من التركيز و الوعي(awareness) و كل الامكانيات الموجودة لخلق حياة منشودة

اهداف الكوتشينج

• كونشينج وقائي: هنا الكوتش بيساعد العميل في ان يكون قادر انه يواجه اي تحديات وعقبات ويكون مستعد ليها
• كوتشينج علاجي: الكوتش هنا بيكون هدفه انه يعالج العميل في تصيحيح الوضع الحالي
• كوتشينج تطويري: هنا بيكون هدف الكوتش في انه يطور ويحسن مهارات واداء الشخص.

انواع الكوتشينج والفرق بينهم :

▪️ Life Coaching :
لزيادة مستوي الـ Performance في الحياة اليومية ، لما تحس بقلة الثقة وعدم الإنجاز و نقص التحفيز و ضغوط الحياة

▪️ Career Coaching :
و دا بقا تخصصي واللي هنتكلم فيه كتير الفتره الجايه ، و دا بيكون هدفه :
إكتشاف الإهتمامات و المواهب والمهارات ، ليه بتكون مش راضي عن شغلك وازاي تكتشف ده؟ ، ازاي تحقق الترقيات اللي تستحقها ؟، ازاي تغير مجال شغلك وتعمل Career shift- ودا هيكون محور فقرتنا CareerTips

▪️ Business Coaching :
لو عايز تبدأ بيزنس جديد Startup أو التوسيع وتطوير مجال البيزنس ، وضع خطة بيزنس ،

▪️ Executive Coaching :
لزيادة مهارات الإدارة و القيادة لكل الـ Executives ، مشاكل في فريق العمل وعدم انتاجيته ، قيادة المؤسسات و الافراد

▪️ Relationship Coaching :
بيهتم بالعلاقات الشخصية و العاطفية والزوجيه و ازاي تحقق انسجام العلاقات و مشاعرها

وظهر تخصصات تاني كتير زي sport coaching و Health coaching ..
واكيد هيظهر تاني لان الكوتشينج أثبت فاعليته في كل مجالات الحياه الشخصيه والعمليه ..
➖ المقاله هيكون عن الكارير كوتشيج Career Coaching و هنتكلم فيه بشكل اكتر لان هو اللي من خلاله نقدر نوصل لكارير أفضل ومناسب لينا لو في أي استفسار في حاجه بخصوص محتوي البوست انا هكون موجود معاكم للرد علي أستفسار في الكومنتات.  

الفرق بين الكوتشينج والتدريب

• الكوتشينج
  هي عملية تطويرية بيتم التركيز فيها علي الشخص وايه العايزة بصفه خاصة وبيتم تحديد المدي الزمني ليها من خلال العميل والكوتش.
  الكوتش بيساعد الشخص علي انه يوصل للاجابات والخيارات المناسبة له من خلال البيئة المحيطه بيه من غير ما يتم تدريسها ليه
• التدريب
  التدريب هو عبارة عن تنمية مهارات ونقل معلومات او تغير معتقدات عند الشخص. وكمان بيعتمد بشكل كبير علي المدرب وقدرته علي عرض ونقل المعلومات او المهارات في فترة زمنية محددة ومكان معين.

الفرق بين الكوتشيج والاستشارات النفسية

• الكوتشينج
  الكوتش دايماً بيركز علي الحاضر المستفيد ونموه مش المضي ومشاكله, والكوتش مش بيعالج المرض النفسي او العقل هو فقط بيعالج شخص بيواجه بعض التحديات في العمل او الحياة.
• الاستشارات النفسية
  الطبيب النفسي بيركز دايماً علي المرض النفسي او العقلي او السلوكي للمريض والمشاكل ال كانت بتواجهه في الماضي.

كتب بواسطة | وليد ربيع

اقرأ ايضاً:

10 خطوات هتساعدك في التعلم الذاتي
معلومات عن الخفافيش : معلومات عجيبة لاول مرة تعرفها
الادغام في اللغه الالمانيه