خلاصه أكتر من 20 ساعه بحث في التعليم الذاتي

بسم الله نبدأ :
من أول ما قررت الإتجاه لالتعليم الذاتي وكانت المشكله اللي بتواجهني هي إزاي أقدر أوصل لمكان فيه الخلاصه للحاجه اللي بدور عليها ، دايما كنت بتوه جوا اللينكات ومش عارف أعمل إيه ، وعلشان كده أنا بكتب البوست ده : 
وهنا انا جمعت كل المهارات والمعلومات اللي لازم كلنا نكون عارفينها بعيدا عن مجال دراستنا وشغلنا ” وده أنا عرفته من خلال نشر سؤالي علي جروبات مختلفه علشان أكون ملم بكل جوانب الموضوع ويبقي الموضوع عن طريق آراء الناس .

تعريف عن التعليم الذاتي

التعلم الذاتي مفهوم التعليم الذاتي هو القدره علي التعلم بنفسك بدون مدرسه او منظمه او قطاع فانت تحدد مواضيع الدراسيه تحدد المعلمين تحدد المحتوي الدراسي

الموضوعات اللي هنتكلم عليهاعن التعليم الذاتي

• الدين
• الصحه 
• التعامل مع الآخرين 
• الثقافه العامه

أولا : الدين

إحنا ك ” مسلمين ” لازم يكون الهدف الأول لينا هوا العلم بكل أمور ديننا ، بس يا تري هبدأ منين ولا هروح فين ..؟
دلوقتي هيكون فيه ٤ لينكات ، كل لينك منهم هيكون موجود فيه منهج للعلوم الشرعيه ” السيره – العقيده – الحديث – الفقه – التفسير – التربيه الإسلاميه – اللغه العربيه ” 
وال٤ لينكات دول عباره عن ٤ مستويات ، يعني إنتا هتدرس ٤ مستويات في العلم الشرعي وبكده هتكون عارف أساسيات دينك وتقدر تتعمق بعد كده في أي علم من العلوم الشرعيه .
مصدر الكتب دي منين ؟
من أكاديميه زاد وهي أكاديميه لتعليم العلم الشرعي عن بعد ” تحت إشراف الشيخ محمد صالح المنجد والأكاديميه متاح التسجيل فيها دلوقت والدراسه هتبدأ يوم 1-12-2019
والدراسة في الأكاديمه زي الكليه بالظبط وفيه إمتحانات أسبوعيه وشهريه والإمتحان النهائي 
والدراسه 4 سنين : كل سنه بمستوي وبعد ماتخلص بتاخد الشهاده .اللي حابب يسجل علشان يحقق أقصي إستفاده يقدر يسجل 
من هنا

وده لينك تحميل الكتب :

* المستوي الأول : من هنا

*المستوي الثاني: من هنا

*المستوي الثالث: من هنا

المستوي الرابع: من هنا

طيب الأفضل أقرأ الكتب ولا أشترك في الأكاديميه .؟

الأكاديمه هتديك معلومات رهيبه ومتابعه وتشجيع كمان ليك لأنك هتاخد شهاده بعد ال4 سنين إنك مؤهل في العلوم الشرعيه …بس هل ده معناه إن الكتب مش هتفيدني .؟
بالعكس هيكون فيها كم معلومات رهيب عن دينك بس إحنا بنتكلم علي الأحسن.
بالإضافه للكتب إعمل لنفسك ورد يومي صغير من القرآن 
وهيزيد بالتدريج المهم إنك ماتهملش القرآن.
ولو عاوز تسمع فيديوهات كويسه تفيدك في أمور دينك
بدل مهزله اليوتيوب والتليفزيون تقدر تتابع الناس دي ولو نص ساعه في اليوم وع آخر السنه هتلاقي عندك معلومات فيمة جداجدا عن دينك.

*الشيخ عمر عبدالكافي : من هنا

* الشيخ محمد راتب النابلسي : من هنا

* الشيخ حازم شومان : من هنا

*الشيخ محمد صالح بن العثيمين: من هنا

*الشيخ محمد صالح المنجد: من هنا

* الشيخ محمد الغليظ : من هنا

*الشيخ أمير منير : من هنا

*الدكتور إياد قنيبي : من هنا

*الشيخ الشعراوي: من هنا

*الشيخ سعيد الكملي: من هنا

ثانيا : الصحه

عندك 4 كورسات لازم تكون علي علم بيهم 
الكورسات دي من منصة إدراك وبعد ماتلخص الكورس
تقدر تاخد الشهاده pdf:
* كورس الأسعافات الأوليه : من هنا

*كورس أساسيات ممارسة الرياضه المنزليه في المنزل : من هنا

*صحة قلبك : من هنا

*التغذيه والصحة : من هنا

ولو عندك أطفال يبقي الكورسين دول لازم تدرسهم :

الصحة النفسيه للطفل : من هنا

مدخل الي عالم التوحد : من هنا

وده كورس علشان الحمل والطفل اللي ماينفعش أي حد متجوز يكون مش عارفهم :
مراحل الحمل _ صحه الحامل والطفل : من هنا

كده إحنا خلصنا جزء الكورسات .نتابع مين بقا علشان نتعرف علي معلومات طبيه كويسه ومشروحه بشكل كويس.؟
* الدكتور “جوده محمد عواد” من أفضل الدكاتره الموجودين علي اليوتيوب ، ولو هيديك محاضره ساعه مش بتحس بيها من طريقه كلامه الجميله جدا
إبدأ بالسلسه دي ” الجسد ” 
وبعد ماهتخلصها هتكون عارف معلومات قيمه جدا عن جسمك ، والسلسله مقسمه ل 7 حلقات ك التالي :

* إحتياجات الجسم البشري : في الفيديو ده

*إفرازات الجسم البشري : فى الفيديو ده

*رائحة الجسم البشري : في الفيديو ده

*نظافة الجسم البشري : في الفيديو ده

*مناعة الجسم البشري : في الفيديو ده

*إشعاعات الجسم البشري : في الفيديو ده

*ألوان الجسم البشري : في الفيديو ده

بعد ماتخلص السلسله دي خليك موجود علي القناه 
وتابع كل المواضيع اللي بتنزل .

ثالثا : مهارات التعامل مع الآخرين SOFT SKILLS

كل الكورسات دي برده هتكون بشهاده من منصة إدراك تقدر تاخدها بعد ماتخلص أي كورس
* التفكير الإبداعي والمتجدد :
من هنا

*التفكير الناقد :
من هنا

*الذكاء العاطفي :
من هنا

* فن الخطابه والإلقاء :
من هنا

* حل المشكلات وإتخاذ القرار :
من هنا

*وده بقا مش مجرد كورس .ده تخصص كامل هتدرس فيه ” محاور النجاح السته – إدراة وتنظيم الوقت وتمالك الضغوط – مهارات تحديد الهدف وإدارة الذات – مهارات الإتصال ” 
تقدر تدرس كل ده  من هنا

رابعا: القراءة

لازم الأول تجاوب علي السؤال ده ” هوا أنا بقرأ ليه “.؟
وده هتلاقي إجابته في   الكورس ده

وبعد ماتخلص ده مش عاوزك تروح تقرأ علطول 
عاوزك تسمع الكتابين دول الأول :
1 قوة العادات : وده هيساعدك في التخلص من العادات القديمه وترسيخ عادات جديده.
2 طريقه الكايزن : وده مش هيخليك تحس بالملل من أي حاجه بتقوم بيها .
هتسمعهم منين بقا ؟
خش علي الساوند كلاود وإكتب في السيرش ” فناجين ” 
ودور عليهم في الكتب الموجوده .ومده الكتاب ربع ساعه او 20 دقيقه بالكتير
كده أنا خلصت ال4 مواضيع :فاضل إيه تاني ؟
طبعا ماينفعش نكون في 2019 وماحدش معاه ” مهارات الكومبيوتر ” ” ولغه تانيه ” ده حتي يكون عيب في حقنا والله .وعلشان كده جبت المفاجأه دي :
* ده تخصص الرخصه الدوليه 
لقياده الحاسوب ICDL BASIC :
من هنا

الجزء الخاص بالإنجليزي :

وعلشان الموضوع ده هتلاقي في لينكات كتيير وكلام أكتر فأنا مش عاوز منك غير إنك تمشي بالترتيب مع اللينكات وبإذن الله في وقت قصير جدا هيكون مستواك في الإنجليزي علي الأقل 80%
هنبدأ بقناه Z AMIRICAN ENGLISH
مستر “إبراهيم عادل” صاحب القناه عامل خطه للدراسة , هحط لينكاتها بالترتيب زي ماهي:
١- إبدأ بكورس تعلم الإنجليزيه من الصفر + كورس تعلم القراءه في اللغه الإنجليزيه يعني فيديو من هنا وفيديو من هنا وبعدين كورس الصوتيات
*كورس شامل لتعلم اللغة الانجليزية من الصفر بالترتيب من هنا

* كورس شامل لتعلم القراءة في اللغة الانجليزية بالترتيب من هنا

*كورس شامل لتعلم وشرح الصوتيات في اللغة الانجليزية بالترتيب من هنا

٢- وبعيدن إسمع كورس تقويه الإستماع + كورس المحادثه 
يعني برده فيديو من هنا وفيديو من هنا
*كورس شامل لتقوية مهارة الاستماع في اللغة الانجليزية بالترتيب من هنا

*كورس شامل لتعلم المحادثة باللغة الانجليزية بالترتيب من هنا

٣- شوف حلقه كل يوم من كورس القواعد وماتتعمقش فيها , افهم بس القاعده بشكل عام 
وافهم الأمثله اللي عليها وكرر العمليه دي :
* كورس قواعد اللغة الانجليزية بالترتيب من هنا

بعد ماتخلص دول 
هتلاقي بقا كورسات المستوي الثاني علي القناه .

ولو محتاج كورس بسيط من إدراك 
ده جميل جدا برده تقدر تبدأ بيه الأول .
وبعيدن تكمل مع مستر إبراهيم : الكورس من هنا

اقرا ايضا

أفضل الطرق العلمية للمذاكرة وأهم المصادر التعليمية

كورس احترافية البحث علي جوجل باللغة العربية

طور من نفسك في دقائق – الجزء الخامس من السلسلة